१३ भदौ, काठमाडौं । म्यानचेस्टर सिटीका फरवार्ड एर्लिङ हालान्डले पीएफए वर्ष खेलाडीको अवार्ड प्राप्त गरेका छन् ।

प्रोफेसनल फुटबलर्स एसोसियसन (पीएफए)ले प्रदान गर्ने उक्त अवार्डमा हालान्डले पुरुषतर्फ अवार्ड प्राप्त गरेका हुन् ।
युवा वर्ष खेलाडीको अवार्ड आर्सनलका बुकायो साकाले प्राप्त गरेका छन् ।

Advertisement:

हालाण्डले गत सिजन सिटिले ट्रेबल उपाधि जित्दा उत्कृष्ट प्रदर्शन गरेका थिए । उनले सिटीका लागि सबै प्रतियोगितामा गरी ५२ गोल गरेका हुन ।

‘यो प्रतिष्ठित पुरस्कार जित्न पाउनु सम्मानको कुरा हो । आफ्नै प्रतिस्पर्धीबाट चुनिनु निकै राम्रो महशुस भएको छ र सबैलाई मतका लागि धन्यबाद दिन चाहन्छु ,’ उनले भनेका छन् ।

हालान्ड सन् २०२२ मा ५१ मिलियन पाउण्डमा बोरुसिया डर्टमण्डबाट म्यानचेस्टर सिटीमा अनुबन्धित भएका थिए ।

उनि वर्ष युवा खेलाडीमा समेत मनोनीत भएका थिए । तर यस विधामा भने आर्सनलका साकाले बाजी मारेका छन् । उनले गत सिजन आर्सनलका लागि १४ गोल गर्नुका साथै ११ असिस्टगरेका थिए ।

• #बुकायो साका
• #म्यानचेस्टर सिटी
• #हालान्ड