यसरी मनाइयो संविधान दिवस (फोटो फाईल)
![](https://www.tatokhabar.com/wp-content/uploads/2023/09/IMG_9447-scaled.jpg)
असोज ३, काठमाण्डौ । ८ औँ संविधान दिवसको अवसरमा काठमाण्डौको टुँडिखेलमा संविधान दिवस विशेष कार्यक्रमहरुका साथ मनाईएको छ । दिवस मूल समारोह समितिले सैनिक मञ्च (टुँडिखेल)मा उक्त समारोह गरेको हो । समारोहमा राष्ट्रपति रामचन्द्र पौडेल, उपराष्ट्रपति रामसहायप्रसाद यादव, प्रधानन्यायाधीश विश्वम्भर श्रेष्ठ, राष्ट्रियसभाका अध्यक्ष गणेशप्रसाद तिमिल्सिना, कार्यवाहक प्रधानमन्त्री पूर्णबहादुर खड्का, उपप्रधानमन्त्री नारायणकाजी श्रेष्ठ, मन्त्रीहरू, सङ्घीय संसद्का सभापति र सांसदहरू, संवैधानिक निकायका प्रमुख एवम् पदाधिकारी लगायतको उपस्थिति थियो ।
समारोहमा नेपाली सेनाको हेलिकोप्टरबाट ‘संविधान दिवस, २०८०’ लेखिएको ब्यानर प्रदर्शन तथा पृष्पवृष्टि गरिएको थियो । रङ्गीचङ्गी बेलुन र शान्तिका दूत परेवा उडाइनुका साथै नेपाली सेना, नेपाल प्रहरी र सशस्त्र प्रहरी बलका विभिन्न टोलीबाट मार्चपास तथा साङ्गीतिक प्रस्तुती गरिएको छ ।
कार्यक्रमका केही तस्बिरहरु ।