प्रहरी दिवसमा मानवसेवा आश्रमलाई खाद्यान्न सहयोग
![](https://www.tatokhabar.com/wp-content/uploads/2023/10/received_1675158532964884.jpeg)
हेटौंडा – हेटौंडा-९, लामसुरेधापस्थित मानवसेवा आश्रमलाई खाद्यान्न सहयोग गरिएको छ । मंगलबार ६८ औं प्रहरी दिवसको अवसरमा नेपाल प्रहरी श्रीमती संघ र लायन्स एण्ड लियो क्लबले संयुक्त रुपमा खाद्यान्न सहयोग गरिएको हो ।
चामल, आलु, तेल, नुन, चना लगायत खाद्यान्न सहयोग गरिएको मानवसेवा आश्रमका अभियान्ता होमनाथ पाैडेलले जानकारी दिए । करिब ७० हजार रुपैयाँ बराबरको खाद्यान्न सहयोग गरिएको पौडेलले बताए । मानवसेवा आश्रमका संस्थापक अध्यक्ष रामजी अधिकारी सभाध्यक्ष तथा नेपाल प्रहरी श्रीमती संघका अध्यक्ष लक्ष्मी कुँवरको प्रमुख आतिथ्यतामा कार्यक्रम भएको हो ।
क्लबद्वारा निशुल्क दन्त शिविर समेत आयोजना गरिएको थियो । जसमा २ सय २० जना आश्रितले सेवा लिएका थिए।