स्वीडेनलाई नेटोमा सामेल गराउने सम्झौताका लागि टर्की प्रतिवद्ध छ : स्टोलटेनबर्ग
ब्रसेल्स, २५ असोज / सैन्य गठबन्धनमा स्वीडेनको सदस्यतालाई अनुमोदन गर्ने सम्झौतामा टर्की प्रतिबद्ध भएको टर्कीले आफ्ना मित्र राष्ट्रहरूलाई आश्वासन दिएको उत्तर उटलान्टिक सन्धि सङ्गठन (नेटो) का प्रमुख जेन्स स्टोलटेनबर्गले बताएका छन् ।
सदस्यताका लागि एक वर्ष भन्दा बढीको ढिलाइपछि स्टकहोमको सदस्यताको बोलीलाई अनुमोदन गर्न आफ्नो नेटो समकक्षीहरूबाट बढ्दो दबाबको अङ्काराले सामना गरिरहेको छ । स्टकहोमले युक्रेनविरुद्ध रूसको युद्धको मुखमा लागू हुने गरी असंलग्नताको लामो समयदेखिको नीति त्यागेपछि टर्की र हङ्गेरीले मात्र स्वीडेनको सदस्यता अनुमोदन गर्न बाँकी छ ।
टर्कीका राष्ट्रपति रेसेप तैयप एर्दोगानले गत जुलाईमा भिल्नियसमा भएको नेटो शिखर सम्मेलनमा स्वीडेनको सदस्यता अनुमोदनलाई आफ्नो संसदसमक्ष पेश गर्न सहमत हुनुभएको थियो । तर टर्कीका सांसदहरूले अक्टोबरको सुरूमा पुनः बैठक बोलाएपछि त्यहाँ कुनै आन्दोलन भएको छैन ।
नेटोका रक्षामन्त्रीहरूको बैठकपछि स्टोल्टेनबर्गले भने, “टर्कीका रक्षामन्त्रीले स्वीडेनको विलयलाई अन्तिम रूप दिन भिल्नियससँग भएको सम्झौतामा टर्की प्रतिवद्ध रहेको पुष्टि गर्नुभएको छ ।” टर्की सरकारले ग्रान्ड नेशनल एसेम्बलीमा प्रवेशका लागि नियम कानुन पेश गर्नेछ र छिटो अनुमोदन सुनिश्चित गर्न विधानसभामा लैजानेछ भन्नेमा आफू आशावादी भएको उनले बताए ।
कूटनीतिज्ञहरूका अनुसार बैठकमा नेटोका अन्य सबै सदस्य राष्ट्रहरूले अङ्कारा र बुडापेस्टलाई स्वीडेनको सदस्यताको प्रस्तावलाई अनुमोदन गर्न दबाब दिएका थिए । टर्कीले आफ्नो पुरानो वायु सेनाका लागि एफ–१६ लडाकु विमानको आधुनिक संस्करण बिक्रीमा नेटोको मुख्य शक्ति अमेरिकाबाट सहुलियत प्राप्त गर्न चाहेको उनीहरूले बताएका छन् ।
ह्वाइट हाउसले अङ्कारालाई विमान आपूर्ति गर्ने समर्थन गरे पनि अमेरिकी कंग्रेसले भने बिक्रीमा रोक लगाएको छ । स्वीडेनसँगै नेटोमा सामेल हुन आवेदन दिएको फिनल्याण्डलाई अप्रिलमा सदस्यता प्रदान गरिएको थियो ।
— रासस/एएफपी
प्रतिक्रिया दिनुहोस् :
तातोखबर
-
१.
अन्तर्राष्ट्रिय समन्वय र सहकार्यबाट वर्तमान चुनौति सामना गर्न सकिने गृहमन्त्री लेखकको दावी
-
२.
साहित्यभित्रको पनि साहित्यिक कृतिः दृष्टि–दृष्टिकोण
-
३.
नेपाल इन्भेष्टमेण्ट मेगा बैंक लिमिटेडको संस्थापक शेयर बिक्रीमा
-
४.
नेपाली बजारमा सुनको मूल्य यथावत, एक लाख ५२ हजार रुपैयाँमा कारोबार
-
५.
एमालेको पोलिब्यूरो बैठक आज समापन हुँदै