जाजरकोट – जाजरकोटको रामेडाँडा केन्द्रबिन्दु भएर गएको शक्तिशाली भूकम्पमा ११ जिल्ला प्रभावित भएका छन् ।

भूकम्पमा परेर जाजरकोट, रुकुम पश्चिम, रुकुम पूर्व, सल्यान, रोल्पा, नवलपरासी पूर्व, दैलेख, दाङ, बैतडी, जुम्ला र प्युठान जिल्ला प्रभावित बनेको गृह मन्त्रालयले जनाएको छ ।

Advertisement:

मन्त्रालयको विपद् पूर्व तयारी तथा प्रतिकार्य शाखाका अनुसार केन्द्रबिन्दु जाजरकोटमा मात्रै १०५ र रुकुम पश्चिममा ५२ जना गरी १५७ जनाको मृत्यु भएको छ भने २५६ जना घाइते भएका छन् ।

भूकम्पले ९ सय ३२ घरमा पूर्ण क्षति र २ हजार ८ सय ३८ वटा घरमा आंशिक क्षति भएको छ ।

भूकम्प प्रभावित जिल्लामा नेपाल प्रहरीका ८७४ जना, सशस्त्रका ४८५ जना र सेनाका २०२ जना परिचालित गरिएको मन्त्रालयले जनाएको छ ।

• #जाजरकोट भुकम्प
• #प्रभावित