विश्वकपमा छनोट भएको नेपाली टोलीलाई क्यानद्वारा ५० लाख पुरस्कार दिने निर्णय
![](https://www.tatokhabar.com/wp-content/uploads/2023/11/Cricket-Association-of-Nepal-CAN-768x512-1699072870.jpg)
काठमाडौं– नेपाल क्रिकेट संघ क्यानले नेपाली राष्ट्रिय क्रिकेट टोलीलाई ५० लाख नगदसहित सम्मान गर्ने भएको छ।
मंगलबार बसेको क्यानको केन्द्रीय कार्यसमिति बैठकले टी–२० विश्वकपको एसिया क्षेत्र छनोट प्रतियोगितामा उत्कृष्ट प्रदर्शन गर्दै आगामी वर्ष हुने विश्वकपमा छनोट भएकाले क्रिकेट टोलीलाई ५० लाख नगद पुरस्कारबाट सम्मानित गर्ने निर्णय गरिएको हो।
यस्तै क्यानका सचिव पारस खड्काका अनुसार हालै मलेसियामा सम्पन्न यू–१९ क्रिकेट प्रतियोगितामा विजयी हुँदै आगामी जनवरीमा सञ्चालन हुने यू–१९ एसिया कपमा छनोट हुन सफल भएकाले उक्त टिमका सदस्यहरुलाई पनि प्रतिव्यक्ति नगद ५० हजार उपलब्ध गराउने निर्णय गरिएको छ।
यस्तै क्रिकेट हङकङ चाइनाको आयोजनामा नोभेम्बर १५ देखि १९ सम्म चार राष्ट्रका महिला क्रिकेट टीमहरुबीच सञ्चालन हुने हङकङ महिला टी–२० सिरिजमा सहभागिता लागि निमन्त्रणा प्राप्त भएकाले नेपाली महिला टोलीलाई उता पठाउने निर्णय पनि भएको सचिव खड्काले जानकारी दिएका छन्।
यस्तै आईसीसी पुरुष टी–२० विश्वकप फाइनल एसिया प्रतियोगिताको फाइनल खेलमा बिक्री भएको टिकटबाट संकलित कूल रकमको ५० प्रतिशतले हुन आउने रकम हाल जाजरकोट भूकम्पबाट पीडितहरुलाई राहतका लागि उपलब्ध गराउने निर्णय पनि भएको छ।
प्रतिक्रिया दिनुहोस् :
तातोखबर
-
१.
अन्तर्राष्ट्रिय समन्वय र सहकार्यबाट वर्तमान चुनौति सामना गर्न सकिने गृहमन्त्री लेखकको दावी
-
२.
साहित्यभित्रको पनि साहित्यिक कृतिः दृष्टि–दृष्टिकोण
-
३.
नेपाल इन्भेष्टमेण्ट मेगा बैंक लिमिटेडको संस्थापक शेयर बिक्रीमा
-
४.
नेपाली बजारमा सुनको मूल्य यथावत, एक लाख ५२ हजार रुपैयाँमा कारोबार
-
५.
एमालेको पोलिब्यूरो बैठक आज समापन हुँदै