श्रीलंकाविरुद्ध बंगलादेश तीन विकेटले विजयी
![](https://www.tatokhabar.com/wp-content/uploads/2023/11/FB_IMG_1699319690177-1699320048.jpg)
काठमाडौं – भारतमा जारी आईसीसी एकदिवसीय विश्वकपमा बंगलादेशले श्रीलंकाविरुद्ध तीन विकेटको जित निकालेको छ ।सोमबार नयाँदिल्लीस्थित अरुण जेट्ली क्रिकेट रंगशालामा श्रीलंकाले प्रस्तुत गरेको २८० रनको लक्ष्य बंगलादेशले ४१.१ ओभरमा सात विकेट गुमाएर भेट्टायो ।
बंगलादेशको जितमा नज्मुल हसन सान्तोले ९० रन बनाए । उनले १०१ बलमा १२ चौकाको प्रहार गरे । कप्तान साबिक अल हसनले ६५ बलमा १२ चौका र दुई छक्कासहित ८२ रन जोडे । यस्तै, लिटोन दासले २३, महमुदुल्लाहले २२, ताविद हृदयले अविजित १५ र मुस्फिकर रहिमले १० रन बनाए ।
श्रीलंकाका दिलशन मदुसनकाले तीन विकेट लिए । एन्जेलो म्याथ्युज र महेश तिक्क्षणाले समान दुई विकेट लिए ।
त्यसअघि, टस हारेर ब्याटिङमा आएको श्रीलंकाले ४९.३ ओभरमा सबै विकेट गुमाएर २७९ रनको योगफल तयार पारेको थियो ।
श्रीलंकाका चरिथ अस्लंकाले १०५ बलमा ६ चौका र पाँच छक्कासहित १०८ रन बनाएका थिए । यसैगरी पाथुम निसन्का र सदिरा समराविक्रमाले समान ४१ थपे । धनन्नजय डि सिल्भाले ३४, महेश तिक्क्षणाले २६ र कप्तान कुशल मेन्डिसले १९ रन बनाए ।
बंगलादेशका तान्जिम हसन साकिबले तीन विकेट लिए । सोरिफुल इस्लाम र साकिब अल हसनले समान दुई तथा महदी हसन मिराजले एक विकेट लिए ।
जितसँगै सेमिफाइनल दौडबाट बाहिरिसकेको बंगलादेशले आठ खेलमा चार अंक जोडेको छ । समान खेलबाट चार अंक नै जोडेको श्रीलंकाको पनि यो हारसँगै सेमिफाइनल सम्भावना समाप्त भएको छ ।
प्रतिक्रिया दिनुहोस् :
तातोखबर
-
१.
अन्तर्राष्ट्रिय समन्वय र सहकार्यबाट वर्तमान चुनौति सामना गर्न सकिने गृहमन्त्री लेखकको दावी
-
२.
साहित्यभित्रको पनि साहित्यिक कृतिः दृष्टि–दृष्टिकोण
-
३.
नेपाल इन्भेष्टमेण्ट मेगा बैंक लिमिटेडको संस्थापक शेयर बिक्रीमा
-
४.
नेपाली बजारमा सुनको मूल्य यथावत, एक लाख ५२ हजार रुपैयाँमा कारोबार
-
५.
एमालेको पोलिब्यूरो बैठक आज समापन हुँदै