लागुऔषधसहित ५ जना पक्राउ
![Pakrau](https://www.tatokhabar.com/wp-content/uploads/2023/09/pakrau-3.jpg)
पोखरा – तनहुँमा बुधबार लागु औषधसहित ५ जना पक्राउ परेका छन्। पक्राउ परेका मध्य ३ जना भारतीय नागरिक हुन्। बुधबार विहान ६ बजे आँबुखैरेनी गाउँपालिका–४ बेनीटारस्थित पृथ्वीराजमार्गबाट ३ जना भारतीय नागरिक पक्राउ परेका छन्।
आँबुखैरेनीतर्फ आइरहेको ग १ ख ९६८४ नम्बरको यात्रुवहाक बस चेकजाँचको क्रममा लागु औषधसहित उनीहरुलाई पक्राउ गरेको जिल्ला प्रहरी कार्यालय तनहुँका सूचना अधिकारी डिएसपी मोहनबहादुर खाँणले जानकारी दिए।
डिएसपी खाँणका अनुसार भारतको मोतिहारी पूर्वी कटहनौनापुरकी ६० वर्षीया मुस्ताफा खातुन, १८ वर्षीय निराले आलमसँगै मोतिहारी चम्पारणका १८ वर्षीय क्यामुदिन अन्सारी पक्राउ परेका हुन्।
उनीहरुको झोलाबाट डाइजापाम, फेनारागन र नुर्फिन ७३/७३ एम्पुल बरामद गरेको उनले बताए। ‘तीनै जना बिरुद्ध लागुऔषध मुद्वामा जिल्ला अदालतबाट १० दिनको म्याद थपेर अनुसन्धान भइरहेको छ’, डिएसपी खाँणले भने।
यस्तै, बुधबार राती बेनीटारबाट थप २ जना युवक प्रकाउ परेका थिए। बेनीटारको अस्थायी प्रहरी पोष्ट पुलजिपले बिरगंजबाट पोखरा आउँदै गरेको बाग्मती प्रदेश ०३–००१ ख २३१५ नम्बरको बसमा सवार २ युवकलाई पक्राउ गरेको हो।
पर्साको जिराभवानी गाउँपालिका–१ गमरियाका १८ वर्षीय अशोक यादव र राकेश यादवले लुकाइ ल्याएको नाइट्राभेट–१० लेखिएको ६ सय थान ट्याबलेट बरामद गरेको हो।
दुवै जनालाई नियन्त्रणमा लिएर जिल्ला अदालतबाट १० दिनको म्याद थप गरिएको छ। लागु औषध मुद्वामा थप अनुसन्धान भइरहेको प्रहरीले जानकारी दिएको छ।
प्रतिक्रिया दिनुहोस् :
तातोखबर
-
१.
अन्तर्राष्ट्रिय समन्वय र सहकार्यबाट वर्तमान चुनौति सामना गर्न सकिने गृहमन्त्री लेखकको दावी
-
२.
साहित्यभित्रको पनि साहित्यिक कृतिः दृष्टि–दृष्टिकोण
-
३.
नेपाल इन्भेष्टमेण्ट मेगा बैंक लिमिटेडको संस्थापक शेयर बिक्रीमा
-
४.
नेपाली बजारमा सुनको मूल्य यथावत, एक लाख ५२ हजार रुपैयाँमा कारोबार
-
५.
एमालेको पोलिब्यूरो बैठक आज समापन हुँदै