एन्फा अध्यक्ष नेम्वाङविरुद्धको अविश्वासको प्रस्ताव अस्वीकृत

तातो खबर

२०८० कार्तिक २३

मकवानपुर – अखिल नेपाल फुटबल संघ (एन्फा) का अध्यक्ष पंकजविक्रम नेम्वाङविरुद्धको अविश्वासको प्रस्ताव अस्वीकृत भएको छ ।

एन्फाद्वारा बिहीबार बागमती प्रदेशको राजधानीमा हेटौंडामा आयोजित विशेष साधारण सभामा नेम्वाङविरुद्धको अविश्वासको प्रस्ताव बहुमतले अस्वीकृत भएको हो ।

साधारण सभामा उक्त अविश्वासको प्रस्तावमाथि मतदान भएको थियो । एन्फाका कूल ८७ मतदातामध्ये ५३ जनाले मतदानमा सहभागिता जनाएका थिए ।

तीमध्ये ५२ मत नेम्वाङको पक्षमा खसेको थियो भने बाँकी एक मत बदर भएको थियो । अन्यले भने मतदानमा सहभागी जनाएनन् ।

हेटौंडा–४ स्थित रोयल पार्टी प्यालेसमा उद्घाटन सत्र नै नराखी विशेष साधारणसभा अगाडि बढेको थियो ।

साधारण सभामा विवाद हुने आशंकाले ठूलो संख्यामा प्रहरी परिचालन गरिएको थियो ।

प्रतिक्रिया दिनुहोस् :