एप्पलका सह-संस्थापक वोज्नियाकलाई हृदयाघात
![](https://www.tatokhabar.com/wp-content/uploads/2023/11/IMG_20231110_080011.jpg)
एप्पल कम्पनीका सह संस्थापक स्टिभ वोज्नियाक अस्पतालमा भर्ना भएका छन् । हृदयाघात भएपछि उनलाई मेक्सिको सिटी अस्पतालमा भर्ना गरिएको हो ।
मेक्सिकोमा वर्ल्ड बिजनेस फोरममा सहभागी भएका ७३ वर्षका स्टिभलाई गत बुधबार हृदयाघात भएको हो । उक्त समारोहमा उनी बोल्ने कार्यक्रम तय भएको थियो ।
यद्यपि यस विषयमा कार्यक्रम आयोजकका तर्फबाट हालसम्म कुनैपनि जानकारी सार्वजनिक गरिएको छैन ।
स्मरण रहोस् स्टिभ जब्स र स्टिभ वोज्नियाकले सन् १९७६ मा एप्पल कम्पनी स्थापना गरेका थिए । एप्पल कम्पनीको सफलतामा वोज्नियाकको अहम् भूमिका रहेको छ । सायद एप्पलको आजको ओज तथा प्रसिद्धि उनीबिना सम्भव पनि थिएन ।
स्टिभ वोज्नियाक आफ्नो नवप्रवर्तनशील डिजाइन तथा उपयोगी उपभोक्तामैत्री विद्युतीय उपकरणका लागि चिनिन्छन् । आइफोनको होस् वा म्याक, एप्पलका तमाम प्रडक्टहरुमा वोज्नियाकको प्राविधिक क्षमता देखिन्छ ।
उनको जन्म सन् १९५० मा क्यालिफोर्नियाको सेन जोसमा भएको थियो । सुरुवातबाटै उनको रुची इलेक्ट्रोनिक्समा थियो । उनले केवल ११ वर्षको उमेरमै आफ्नो पहिलो कम्प्युटर तयार पारेका थिए । उनले इलेक्ट्रिकल इन्जिनियरिङको अध्ययन युनिभर्सिटी अफ क्यालिफोर्निया, बर्कलेबाट पूरा गरेका थिए ।
सन् १९७५ वा वोज्नियाक र उनका साथी स्टिभ जब्स मिलेर एप्पल कम्प्युटरको सुरुवात गरेका थिए । वोज्नियाकले एप्पल वान र एप्पल टू कम्प्युटरको डिजाइन गरेका थिए । जुन कम्पनीको पहिलो सफल कम्प्युटर थिए । सन् १९८७ मा उनी एप्पल कम्पनीबाट अलग भए र ध्जभभकि या श्भगक को स्थापना गरे ।
यो कम्पनीले शैक्षिक सफ्टवेयर विकास गरेर बिक्री गर्दथ्यो । उनले यसका अलावा विभिन्न विश्वविद्यालयमा अध्यापन पनि गरे । कम्प्युटर उद्योगमा आफ्नो योगदानका लागि स्टिम वोज्नियाकलाई विभिन्न अवार्ड पनि प्राप्त भएका छन् । एजेन्सी
प्रतिक्रिया दिनुहोस् :
तातोखबर
-
१.
अन्तर्राष्ट्रिय समन्वय र सहकार्यबाट वर्तमान चुनौति सामना गर्न सकिने गृहमन्त्री लेखकको दावी
-
२.
साहित्यभित्रको पनि साहित्यिक कृतिः दृष्टि–दृष्टिकोण
-
३.
नेपाल इन्भेष्टमेण्ट मेगा बैंक लिमिटेडको संस्थापक शेयर बिक्रीमा
-
४.
नेपाली बजारमा सुनको मूल्य यथावत, एक लाख ५२ हजार रुपैयाँमा कारोबार
-
५.
एमालेको पोलिब्यूरो बैठक आज समापन हुँदै