त्रिविको उपकुलपति सिफारिसका लागि तीन सदस्यीय कमिटी गठन
![tribhuwan-university](https://www.tatokhabar.com/wp-content/uploads/2023/11/tribi-2.jpg)
काठमाडौं – त्रिभुवन विश्वविद्यालयको रिक्त उपकुलपति सिफारिसका लागि तीन सदस्यीय कमिटी गठन गरिएको छ ।
उपकुलपति सिफारिसका लागि शिक्षा, विज्ञान तथा प्रविधिमन्त्री अशोककुमार राईको संयोजकत्वमा तीन सदस्यीय कमिटी गठन गरिएको हो ।
प्रधानमन्त्री एवम् विश्वविद्यालयका कुलपति पुष्पकमल दाहाल ‘प्रचण्ड’ ले मन्त्री राईको संयोजकत्वमा कमिटी गठन गरेको प्रधानमन्त्रीको सचिवालयले जनाएको छ ।
यस्तै, गठित कमिटीको अन्य सदस्यहरुमा क्रमशः सचिव सुरेश अधिकारी र त्रिविका बौद्ध अध्ययन विभागका प्रमुख डा.चन्द्रकला घिमिरे रहेका छन् ।
त्रिविका उपकुलपति डा.धर्मकान्त बास्कोटाको कार्यकाल यही कात्तिक १८ गते सकिएको थियो । उनको कार्यकाल सकिएसँगै सो पद रिक्त रहेको छ ।