३० कात्तिक, तातोखबर । दक्षिण अफ्रिकाले विश्वकप क्रिकेट २०२३ को दोस्रो सेमिफाइनलमा आज अस्ट्रेलियाको सामना गर्दैछ । विश्वकपको नकआउट चरणमा दक्षिण अफ्रिकाले धेरै खेल भाग्यबस हरेको छ ।

दक्षिण अफ्रिका वान डे क्रिकेटको सबैभन्दा ठूलो प्रतियोगितामा सेमिफाइनल पुगेको यो पहिलोपल्ट भने होइन । यसअघि सन् १९९२, १९९९, २००७ र २०१५ मा सेमिफाइनल खेल खेलेको थियो ।

Advertisement:

प्रत्येकपल्ट दक्षिण अफ्रिका सेमिफाइनलमा पुगे पनि यात्रा त्यहि टुंगिने गरेको छ । त्यसमध्ये पनि दुई हार त अस्ट्रेलियाविरुद्ध रहेको छ । सन् १९९९ मा दक्षिण अफ्रिका एजबास्टनमा भएको सेमिफाइनलमा अस्ट्रेलियासँगको नाटकीय खेलमा रोकिएको थियो । त्यो खेल खासमा ‘टाई’ मा टुंगेको थियो । अस्ट्रेलिया समूह चरणमा राम्रो खेलेको आधारमा फाइनल पुगेको थियो ।

त्यसको आठ वर्षपछि सेन्ट लुसियामा भएको सेमिफाइनलमा दक्षिण अफ्रिका सजिलै सात विकेटले पराजित भएको थियो । उक्त खेलमा दक्षिण अफ्रिका अस्ट्रेलियासामु १४९ रनमै धरासायी भएको थियो । आज साउथ अफ्रिका लाई भाग्यले साथ दिए मात्र फाइनल मा पुग्ने सम्भावना छ ।

• #अस्ट्रेलिया
• #विश्वकप क्रिकेट २०२३
• #साउथ अफ्रिका