चीनले विश्वकै सर्वाधिक द्रुत गतिमा चल्ने इन्टरनेट बनाएको दाबी
![](https://www.tatokhabar.com/wp-content/uploads/2023/11/IMG_20231118_081307.jpg)
चीनले उन्नत खाले इन्टरनेट नेटवर्क सुरु गरेको छ । यो संसारकै सर्वाधिक द्रुत गतिमा चल्ने इन्टरनेट भएको दाबी चीनको छ । चिनियाँ दूरसञ्चार उपकरण निर्माता कम्पनी हुवावेको यो इन्टरनेटको गति प्रति सेकेन्ड १.२ टिबी (१ हजार २ सय जिबी) हुन्छ । यो एक सेकेन्डमै १५० ओटा फिल्मको डेटा ट्रान्सफर गर्न पर्याप्त भएको बताइएको छ ।
तर इन्टरनेटको यो गति सैद्धान्तिक हो । उपभोक्ताको घरसम्म पुग्दा नेट यही गति भने पक्कै पनि चल्दैन । तर अहिले चलाइरहेको इन्टरनेट भन्दा चाहिँ यो निकै धेरै हो । यतिको तीव्रता अनि छिटो गतिको इन्टरनेट सेवा उपलब्ध हुनु व्यवसाय, शेयर कारोबार र राष्ट्रिय सुरक्षा समेतका मामिलामा ठुलो अर्थ राख्ने विश्लेषण गर्न लागिएको छ । यही हप्ता एउटा पत्रकार सम्मेलनमा हुवावे र चाइना मोबाइलले आधिकारिक रूपमा त्यहाँको पाँचौँ पुस्ताको ब्याकबोन नेटवर्क लन्च गरेका थिए ।
ब्याकबोन नेटवर्क फरक खाले भौगोलिक अवस्थितिमा समेत इन्टरनेटको ट्राफिक चल्न सक्ने नेटवर्क पूर्वाधार हो । यसले ५ जी र विद्युतीय सवारी साधन जस्ता धेरै डेटा खपतलाई पनि सपोर्ट गर्छ । अहिले यो सेवा सीमित स्थानमा मात्रै उपलब्ध छ । कम्पनीले देशभर सेवा विस्तारबारे केही पनि बताएको छैन । हुवावेले तीव्र गतिको इन्टरनेटको परीक्षण यही गर्मीयाम देखि सुरु गरेको थियो । तर सर्वसाधारणमा सेवा प्रवाह भने विज्ञहरूले अपेक्षा गरेको भन्दा २ वर्ष अगाडि नै भएको छ । यसलाई केही विज्ञहरूले विश्वको सबैभन्दा उन्नत इन्टरनेट नेटवर्क बताइरहेका छन् ।
प्रतिक्रिया दिनुहोस् :
तातोखबर
-
१.
अन्तर्राष्ट्रिय समन्वय र सहकार्यबाट वर्तमान चुनौति सामना गर्न सकिने गृहमन्त्री लेखकको दावी
-
२.
साहित्यभित्रको पनि साहित्यिक कृतिः दृष्टि–दृष्टिकोण
-
३.
नेपाल इन्भेष्टमेण्ट मेगा बैंक लिमिटेडको संस्थापक शेयर बिक्रीमा
-
४.
नेपाली बजारमा सुनको मूल्य यथावत, एक लाख ५२ हजार रुपैयाँमा कारोबार
-
५.
एमालेको पोलिब्यूरो बैठक आज समापन हुँदै