अध्यादेश जारी गरेर भूमिहीन किसानलाई जग्गा प्रदान गरिने: गृहमन्त्री
![narayan-kaji-shrestha](https://www.tatokhabar.com/wp-content/uploads/2023/09/202309261911-4ab86ae9-6b2f-4e92-b1df-a4accdf872eb_medium.jpg)
तातोखबर, चितवन / गृहमन्त्री नारायणकाजी श्रेष्ठले अध्यादेश जारी गरेर भए पनि राष्ट्रिय भूमि आयोगको काम सफल बनाउने प्रतिबद्धता व्यक्त गरेका छन्।
आज चितवनको नारायणगढमा भएको राष्ट्रिय भूमि अधिकार मञ्च नेपालको छैटौँ राष्ट्रिय सम्मेलनलाई शनिबार सम्बोधन गर्दै उपप्रधानमन्त्री श्रेष्ठले राष्ट्रिय भूमि आयोगको कामलाई हरहालतमा सफल पारेर भूमिहीन किसानलाई जग्गा प्रदान गर्ने जनाए।
“भूमिहीन किसानलाई जग्गा प्रदान गर्ने जुन उद्देश्य राखेका छौँ हरहालतमा त्यो पूरा गरी छाड्ने सङ्कल्प गरेका छौँ।”उनले भने
गृहमन्त्री नारायणकाजी श्रेष्ठले सङ्कल्प र प्रतिबद्धता मात्रै नभई यसमा देखिएका समस्याको समाधानका लागि कानुन संशोधन गरेर भए पनि भूमिहीन किसानको समस्या समाधान गरिछाड्ने बताए।