सुनसरी – सुनसरीमा खुकुरी प्रहार गरी छिमेकीको हत्या गरेको आरोपमा प्रहरीले एक जनालाई सोमबार दिउँसो पक्राउ गरेको छ ।

पक्राउ पर्नेमा इटहरी उपमहानगरपालिका–२ शान्तझोडा बस्ने ४० वर्षीय सन्तोष राई रहेका छन् । स्थानीय ७० वर्षीया मधुमाया पुरीको हत्या गरेको आरोपमा उनलाई पक्राउ गरिएको हो ।

Advertisement:

प्रहरीका अनुसार, आफ्नै घर नजिक रहेको गाईगोठमा मल सोर्दै गरेको अवस्थामा राईले पछाडीबाट खुकुरीले प्रहार गर्दा पुरी गम्भीर घाइते भएकी थिइन् ।

उनको रहरा सामुदायिक अस्पताल तरहरामा सामान्य उपचार पश्चात् थप उपचारको लागि धरान घोपामा पठाएकोमा उपचारको क्रममा मृत्यु भएको हो ।

घटनाबारे खबर प्राप्त हुनासाथ प्रहरी चौकी तरहरा र प्रहरी बिट शान्तिझोडाबाट खटिएको प्रहरीले राईलाई खुकुरीसहित पक्राउ गरेको हो ।

पक्राउ परेका उनीमाथि प्रहरीले आवश्यक अनुसन्धान गरिरहेको जनाइएको छ ।

• #खुकुरी प्रहार
• #छिमेकीको हत्या