हेटौंडा – मकवानपुर प्रहरीले हेटौंडा उपमहानगरपालिका वडा नं.१५ चुरियामाईबाट ४५ किलो १२० ग्राम लागुऔषध गाँजा सहित २ जनालाई पक्राउ गरेको छ ।

पक्राउ पर्नेमा चालक देश भारत बिहार राज्य मोतिहारी जिल्ला पुर्वि चम्पारण पोष्ट बरियारपुर बस्ने २४ बर्षीय भुषन कुमार र सोही स्थान बस्ने २१ बर्षीय साजन सिंह रहेका छन् ।

Advertisement:

पूर्वपश्चिम राजमार्ग अन्तर्गत हेटौंडा तर्फबाट वीरगञ्जतर्फ जादै गरेको डिएल ४३ एनबी ५९९४ नम्बरको भारतिय बोलेरो गाडीलाई चेकजाँच गर्दा उक्त परिमाणमा लागुऔषध गाँजा बरामद गरिएको जिल्ला प्रहरी कार्यालय मकवानपुरले जनाएको छ ।

प्रहरीका अनुसार बोलेरो गाडीको बिभिन्न भागमा फल्स बटम बनाएर लुकाई छिपाई उक्त गाँजा ल्याएका हुन् । उक्त लागुऔषध, गाडी सहित दुबै जनालाई नियन्त्रणमा लिएर आवश्यक अनुसन्धान भइरहेको प्रहरीले जनाएको छ ।

• #गाँजा
• #दुई जना पक्राउ