मनहरीमा ट्रकको ठक्करबाट ७ वर्षीय बालकको मृत्यु
![](https://www.tatokhabar.com/wp-content/uploads/2023/09/Accident_Tukhabar-1.jpg)
हेटौंडा–पूर्वपश्चिम राजमार्गअन्तर्गत मकवानपुरको मनहरी गाउँपालिका–७ रमनटारमा आज बिहान ट्रकको ठक्करबाट एकजना ७ वर्षीय बालकको मृत्यु भएको छ । चितवनबाट हेटौंडातर्फ आउँदै गरेको ना ५ ख ३७८३ नं को ट्रकले पैदल राष्ट्रिय आधारभुत विद्यालय रमनटारमा कक्षा १ मा पढ्ने स्कुले पैदल यात्री करिब ७ वर्षीयउमेश प्रजाको मृत्यु भएको हो ।
ठक्करबाट गम्भीर घाइते भई उपचारको लागि प्राथमिक स्वास्थ्य केन्द्र मनहरी पठाएकोमा त्यहाँबाट पुरानो मेडिकल कलेज चितवन रिफर गरिएको थिाये । अस्पतालमा बालकको करिब १२ बजे मृत्यु भएको जिल्ला प्रहरी कार्यालय मकवानपुरले जनाएको छ । ठक्कर दिने ट्रक र चालकलाई प्रहरीले नियन्त्रणमा लिएको छ ।