तातोखबर / अमेरिकाको विद्युतीय सवारी साधन निर्माता कम्पनी टेस्लाले अमेरिकामा आफ्ना २० लाख थान भन्दा धेरै कार फिर्ता गर्ने भएको हो । अमेरिकी नियामकहरूले कारमा जडित चालक सहायता प्रणाली अर्थात् अटो पाइलटमा केहि त्रुटि भेट्टाएपछि कार फिर्ता बोलाउन लागिएको कम्पनीले जनाएको छ ।

अटो पाइलट प्रयोग भएको समयमा कार दूघर्टनामा परेका घटनाहरूमाथि २ वर्षसम्म छानबिन गरिएको थियो । उक्त क्रममा अटो पाइलटले काम नगरेको पाइयो । कम्पनीले सन् २०१५ मा अमेरिकामा अटो पाइलट फिचर लन्च गरेयता बेचेका सबै टेस्ला कारलाई फिर्ता बोलाउन लागेको हो ।

Advertisement:

उक्त समस्या समाधानका लागि कम्पनीले सफ्टवेयरमा अपडेट गर्ने टेस्लाका मालिक एलन मस्कले बताएका छन् । अपडेट स्वतः हुने तर कार डिलर वा ग्यारेजमा ल्याउन जरुरी नभएता पनि अमेरिकी नियामक संस्थाहरूले कार फिर्ता नै बोलाउनु भनेकोले फिर्ता बोलाइएको बताइएको छ ।

अटो पाइलट स्टियरिङ, एक्सिलरेशन र ब्रेकमा सघाउनका लागि बनाइएको फिचर हो । अटो पाइलट अन हुँदा चालक कारभित्रै बसेर कारलाई चलाउनु पर्ने हुन्छ । टेस्लाका एक पूर्व कर्मचारीले अटो पाइलट फिचर सुरक्षित नभएको बीबीसीलाई बताएको केहि दिनमा नै कार फिर्ता बोलाइएको हो ।

• #अटो पाइलट
• #एलन मस्क
• #टेस्ला
• #फिचर
• #विद्युतीय सवारी