विमानस्थलका कर्मचारी नै मानव तस्करीमा संग्लन
तातो खबर
तातोखबर, काठमाडौँ । त्रिभुवन अन्तराष्ट्रिय विमानस्थलमा कार्यरत अधिकृतलाइ सेटिङ मिलाई मानव तस्करी गरेको आरोपमा प्रहरीले पक्राउ गरेको छ । काठमाडौँ उपत्यका अपराध अनुसन्धान कार्यालय बात खटिएका टोलीले भिजिट भिषामा विदेश जान लागेका युवा युवतीहरुलाई नक्कली कागजात बनाइ दिने गरेको पाइएपछि बुधबार त्रिभुवन अन्तराष्ट्रिय विमानस्थाल अध्यागमन कार्यालयका अधिकृत नर बीर खडकालाई पक्राउ गरेको हो ।
प्रतिब्यक्ति रु. ४० हजार देखि ५५ हजार सम्म लिई उडाउन सहजता प्रदान गर्दै आएका खड्का मार्फत ३०० जनालाइ सेटिङ मिलाएर पठाएका निमा छिरिङ ट्राभल्सका संचालक मनोज तामाङ (लामा) र निज कै ट्राभल्समा काम गर्ने निजको सालो नाता पर्ने पदम लामा समेत पक्राउ पक्राउ परेका छन् ।
नक्कली कागजात बनाई अध्यागमन कार्यालयमा कार्यारत कर्मचारीहरुसँग सेटिङ मिलाई विदेश पठाउने र विदेश पुगेपछि महिलाहरुलाई घरेलु कामदारको रुपमा लगाईने र शोषण समेत हुने र पुरुषहरुले समेत तोकिएको काम नपाई जोखिमपूर्ण काममा लागाईने हुदाँ वैदेशिक रोजगारमा जादा भिजिट भिषा प्रयोग गरी गएका युवा युवतीहरुलाई स्वदेशमा फर्काउन समेत कठिनाई हुने गरेको प्रहरी अनुसन्धानले देखाएको छ ।
पक्राउ परेकाहरु माथि लिखित सम्बन्धी कसुर समेतका अपराधमा आवश्यक कारवाहीको लागि प्रहरी परिसर टेकु पठाईएको अपराध अनुसन्धान कार्यालयले जनाएको छ ।
प्रतिक्रिया दिनुहोस् :
तातोखबर
धेरै हेरिएको
-
आत्महत्या गरेका देवकोटालाई नेपाल इन्भेष्टमेन्ट मेगा बैंकमा उपस्थित हुन ३५ दिने सुचना
-
बैंकका अपरेशन इन्चार्जमाथि प्रभु बैंक गण्डकी प्रदेश अधिकृतको हातपात
-
कृषि बीमाको सरकारी अनुदान ठग्ने शिखर इन्स्योरेन्सलाई किन भएन कारबाही? के गर्दै छ प्राधिकरण
-
चन्द्रागिरि हिल्स : धर्मको नाममा लुट्ने मेसो, भालेश्वर मन्दिर दर्शन गर्न कम्तिमा १०० तिर्नुपर्ने
