मोटरसाइकल दुर्घटना हुँदा वडा सदस्य लुइँटेलको मृत्यु
![](https://www.tatokhabar.com/wp-content/uploads/2023/11/Accident-1-1.jpg)
भरतपुर – चितवनको माडी नगरपालिका–१ स्थित गर्दिमा मोटरसाइकल दुर्घटना हुँदा वडा सदस्यको मृत्यु भएको छ । शनिवार साँझ भरतपुरतर्फ आउँदै गरेको मोटरसाइकललाई नम्बर नखुलेको सवारीसाधनले ठक्कर दिँदा माडी–२ का वडा सदस्य ६० वर्षीय जीवलाल लुइँटेलको मृत्यु भएको हो ।
बा.प्र ०३०४ प ८९१७ नम्बरको मोटरसाइकलमा वनकट्टाबाट भरतपुरतर्फ आउँदै गर्दा वडा सदस्य लुइँटेल सवार मोटरसाइकललाई विपरीत दिशातर्फ गइरहेको ट्रयाक्टरले ठक्कर दिएको जिल्ला प्रहरी कार्यालय चितवनका प्रवक्ता विजयराज पण्डितले जानकारी दिए।
उनका अनुसार ठक्कर दिने ट्रयाक्टर भएको अनुमान गरिएको र केही ट्रयाक्टरलाई नियन्त्रणमा लिएर अनुसन्धान भइरहेको जानकारी दिए । उनी नेपाली कांग्रेसबाट वडा सदस्य निर्वाचित भएका थिए ।