मनहरीमा ६० लाखमा गार्मेन्ट उद्योग सञ्चालन
![](https://www.tatokhabar.com/wp-content/uploads/2023/12/IMG_20231218_194240.jpg)
हेटौंडा – मकवानपुरको मनहरी गाउँपालिकामा गार्मेन्ट उद्योग सञ्चालनमा आएको छ । मनहरी–९, ज्यामिरे प्रणामी टोलमा पालिकाको सहयोगमा गार्मेन्ट उद्योग सञ्चालनमा आएको हो ।
उद्योगको उदघाटन गर्दै पालिका अध्यक्ष रञ्जन कालाखेतीले उत्पादन सँग जोड्न उद्योग खोलिएको बताए । उनले गुणस्तरीय कपडा उत्पादन गर्न ध्यान दिन आग्रह गर्दै पालिकाभित्र यहाँकै उत्पादन प्रयोग गर्न सुझाव दिए ।
पालिका उपाध्यक्ष सीता पुलामी मगर रेखाले स्थानीयस्तरमा उत्पादन भएको कपडा प्रयोग गरेर उद्योग टिकाउन सबैलाई आग्रह गरिन् । उनले मेला महोत्सवमा पनि स्थानीय उत्पादनलाई प्राथमिता दिनुपर्नेमा जोड दिर्दै महिलाहरुले सिकेका सीप सदुपयोग हुनुका साथैं रोजगारीको अवसर पनि सिर्जना भएको बताइन् ।
६० लाख लागतमा सियो धागो सिलाई श्रम सहकारी संस्थाले सञ्चालनमा गार्मेन्ट सञ्चालनमा ल्याएको संस्थाका अध्यक्ष भुवन कुमार गौतमले जानकारी दिए । मनहरी गाउँपालिकाबाट १० लाख रुपैयाँ सहयोग प्राप्त गरेको छ भने संस्थाले २० लाख रुपैयाँ बराबरको भवन, २० लाख रुपैयाँ बराबरको मेसिन र १० लाख रुपैयाँ बराबरको अन्य ब्यबस्थापन उत्पादन कार्य थालनी गरेको छ । चार कठ्ठा क्षेत्रफल रहेको गार्मेन्ट २० बर्ष सम्मको लागि मनहरी ९ ज्यामिरे स्थित बिन्दा मायाबाट भाडामा लिईएर सञ्चालन गरिएको छ । पहिलो चरणमा ३० जनालाई प्रत्यक्ष रोगजार दिन सकिने संस्थाको भनाई छ ।
गार्मेन्टबाट उत्पादन गरिएका कपडा मनहरी ५ र ९ नं. वडाको सरकारी विद्यालयमा प्रयोग गरिने भएको छ । गार्मेन्टबाट सरकारी कार्यालय, विद्यालय, क्याम्पसका लागि आवश्यक पोशाक, ज्याकेट, झोला लगाएत अन्य तैयारी पोशाक उत्पादन गर्ने लक्ष्य राखिएको छ ।
प्रतिक्रिया दिनुहोस् :
तातोखबर
-
१.
अन्तर्राष्ट्रिय समन्वय र सहकार्यबाट वर्तमान चुनौति सामना गर्न सकिने गृहमन्त्री लेखकको दावी
-
२.
साहित्यभित्रको पनि साहित्यिक कृतिः दृष्टि–दृष्टिकोण
-
३.
नेपाल इन्भेष्टमेण्ट मेगा बैंक लिमिटेडको संस्थापक शेयर बिक्रीमा
-
४.
नेपाली बजारमा सुनको मूल्य यथावत, एक लाख ५२ हजार रुपैयाँमा कारोबार
-
५.
एमालेको पोलिब्यूरो बैठक आज समापन हुँदै