विद्यार्थीलाई विद्यालयबाहेक अन्य पोसाक किन्न बाध्य नपार्न का.म.न.पाको अनुरोध
![kathmandu-metropolitan-city](https://www.tatokhabar.com/wp-content/uploads/2022/06/Kathmandu-Metropolitan-City-Notice.jpg)
तातोखबर, काठमाडौं : काठमाडौँ महानगरपालिकाले विद्यार्थीलाई विद्यालयबाहेक अन्य पोसाक किन्न बाध्य नपार्न नगर मातहतमा सञ्चालित विद्यालयलाई अनुरोध गरेको छ ।
केही विद्यालयले विभिन्न चाडपर्वका नाममा विद्यार्थीलाई नियमित विद्यालय पोसाकभन्दा फरक पोसाक किन्न बाध्य पारेको भन्ने गुनासो आएकाले अन्य पोसाक किन्न बाध्य नपार्न नगर मातहतमा सञ्चालित विद्यालयलाई अनुरोध गरिएको महानगरपालिकाका शिक्षा अधिकारी सीताराम अधिकारीले जानकारी दिए ।
अधिकारीका अनुसार कोही कसैले परिपत्रविपरीत कार्य गरेको पाइएमा काठमाडौँ महानगरपालिका शिक्षा ऐन, २०७५ संशोधनसहित र अन्य प्रचलित कानुनबमोजिम दण्डसजाय गरिने महानगरले जनाएको छ ।