तातोखबर, कास्की: फेवाताल किनारमा फोटो खिच्नेसँग पैसा असुली गरेको आरोपमा पक्राउ परेका वडा सदस्य सहित चार जना जेल चलान भएका छन् ।

पोखरा महानगरपालिका ६ का वडा सदस्य दीपेन्द्र पहारीसहित पोखरा लेकसाइडका ४१ वर्षीय विकास पहारी, २२ वर्षीय प्रवीन विश्वकर्मा र २४ वर्षीय अभिषेक परियार ठगी आरोपमा पक्राउ परेका थिए । उनीहरुलाई पुर्पक्षका लागि थुनामा पठाइएको प्रहरीले जनाएको छ ।

Advertisement:

फेवातालको किनारमा फोटोग्राफी गर्दै आएकासँग विभिन्न किसिमबाट ठगी गरेको जाहेरीको आधारमा उनीहरु पक्राउ परेका थिए ।

चारैजनालाई आपराधिक विश्वासघात तथा आपराधिक लाभ (एक्सटर्सन) सम्बन्धी मुद्धामा अनुसन्धान गरिएको थियो । उनीहरुले फोटोग्राफीसँग प्रतिव्यक्ति साढे १३ हजार असुल गरेको अनुसन्धानले देखाएको छ । उनीहरुविरुद्ध १५ जनाले जाहेरी दिएका थिए ।

• #अनुसन्धान
• #आपराधिक लाभ
• #एक्सटर्सन
• #पैसा असुली
• #विश्वासघात