वनभोज खाने मानिस बोकेको बस दुर्घटना १६ जना घाइते
![bus-accident-at-dang](https://www.tatokhabar.com/wp-content/uploads/2023/12/bus-accident-at-dang.jpg)
तातोखबर : वनभोज खान हिंडेका टोलि बोकेको बस दुर्घटना हुँदा दाङमा १६ जना घाइते भएका छन् ।
बर्दियाबाट वनभोजका लागि दाङ जाँदै गरेको भे १ ख २०४१ नम्बरको बस आज बिहान राप्ती राजमार्ग अन्तर्गत अमेलिया-तुलसीपुर सडक खण्डस्थित झञ्ज्याङ नजिकै दुर्घटनामा परेको हो।
बसमा ४५ यात्रु सवार रहेको दाङका प्रहरी नायव उपरीक्षक जनकबहादुर मल्लले जानकारी दिएका छन् । घाइतेहरुलाई तुलसीपुरस्थित राप्ती उपक्षेत्रीय अस्पताल पठाइएको छ। घटनाबारे थप विवरण आउन बाँकी रहेको डिएसपी मल्लले बताए।