राष्ट्रियसभा निर्वाचनमा हाल जारी गठबन्धनलाई निरन्तरता-काँग्रेस केन्द्रीय समितिको निर्णय
![Meen-bahadur-Bishwakarma-nepali-congress-tatokhabar-tattatokhabar-onlinekhabar-setopati-ratopati-presspati-hot-news-tato-khabar](https://www.tatokhabar.com/wp-content/uploads/2023/12/Meen-bahadur-Bishwakarma-nepali-congress.jpg)
तातोखबर, काठमाडौँ: आगामी माघ ११ गते हुनगैरहेको राष्ट्रियसभा निर्वाचनमा नेपाली कांग्रेसले नयाँ र प्राय अवसर नपाएका नेताहरूलाई उम्मेदवार बनाउने भएको छ । आज केन्द्रीय समितिको बैठकको निर्णय सार्वजनिक गर्दै प्रचार विभागका प्रमुख मीनबहादुर विश्वकर्माले यस्तो जानकारी दिएका छन् । उनले जातीय क्षेत्रीय र सन्तुलनलाई समेत ध्यान दिएर पार्टीमा योगदान पुर्याएका व्यक्तिलाई अवसर दिने निर्णय केन्द्रीय समितिले गरेको बताए ।
‘पार्टीमा योगदान गरेका, संसदीय क्षेत्रमा योगदान गर्नसक्ने क्षमता भएका, पार्टीप्रति प्रतिबद्ध र स्वच्छ छवि भएका तथा हालसम्म कुनै अवसर नपाएकाहरूबाट योग्य व्यक्तिलाई अवसर दिइनेछ’ उनले भने ।
त्यस्तै, राष्ट्रियसभा निर्वाचनमा हाल जारी गठबन्धनलाई निरन्तर कायम राखेर अघि बढ्ने पनि निर्णय भएको उनले बताए । हाल कांग्रेस, माओवादी केन्द्र, नेकपा एकीकृत समाजवादी र जसपाबीच केन्द्र र प्रदेश दुवैतिर गठबन्धन कायम रहेको छ ।
कांग्रेसले हिजो सम्पन्न केन्द्रीय कार्य समिति बैठकका निर्णय आज सार्वजनिक गरेको हो। बैठकमा सरकारका काम कारबाही, मन्त्रीहरुको कार्यसम्पादन, राष्ट्रियसभा सदस्य निर्वाचनलगायतका विषयमा छलफल भएको थियो ।
राष्ट्रियसभाको रिक्त हुने २० सिटमध्ये १९ सिटका लागि आगामी माघ ११ गते निर्वाचन हुँन गैरहेको छ ।
प्रतिक्रिया दिनुहोस् :
तातोखबर
-
१.
अन्तर्राष्ट्रिय समन्वय र सहकार्यबाट वर्तमान चुनौति सामना गर्न सकिने गृहमन्त्री लेखकको दावी
-
२.
साहित्यभित्रको पनि साहित्यिक कृतिः दृष्टि–दृष्टिकोण
-
३.
नेपाल इन्भेष्टमेण्ट मेगा बैंक लिमिटेडको संस्थापक शेयर बिक्रीमा
-
४.
नेपाली बजारमा सुनको मूल्य यथावत, एक लाख ५२ हजार रुपैयाँमा कारोबार
-
५.
एमालेको पोलिब्यूरो बैठक आज समापन हुँदै