तातोखबर, काठमाडौँ: सरकारको नेतृत्व गरिरहेको नेकपा माओवादी केन्द्रले राष्ट्रियसभामा आफ्नो भागमा परेको ६ वटै सिटमा उम्मेदवारको नाम अन्तिम टुंगो लगाएको छ ।

प्रधानमन्त्रीनिवास बालुवाटारमा बसेको पदाधिकारी बैठकले उम्मेदवारको नाम टुंगो लगाएको सचिव लीलामणि पौडेलले जानकारी दिएका छन् । कोशीबाट महिला कोटामा चम्पादेवी कार्की, बागमतीमा अन्यतर्फ श्रीकृष्ण अधिकारी, गण्डकीमा महिलातर्फ मनरूपा सुवेदी, कर्णालीमा दलित कोटामा विष्णु विश्वकर्मा र सुदूरपश्चिममा महिला कोटामा रेणु चन्दलाई उम्मेवार बनाउने निर्णय भएको उनले बताए ।

Advertisement:

लुम्बिनीमा अन्यबाट झक्कुप्रसाद सुवेदीको नाम प्रस्ताव भए पनि थप परामर्शमा टुंग्याउने तयारी भइरहेको पनि उनले बताए ।

आज बिहान बालुवाटारमा बसेको सत्ता गठबन्धनको बैठकले राष्ट्रियसभामा सिट बाँटफाँट गरेको थियो । जसअनुसार कांग्रेसले १० माओवादी केन्द्रले ६ सीट, एकीकृत समाजवादीले दुई र जसपाले एक सिट पाउने सहमति गरेका थिए। माघ ११ गते रिक्त १९ सिटका लागि राष्ट्रियसभाको निर्वाचन हुँदै छ ।

• #एकीकृत समाजवादी
• #जसपा
• #निर्वाचन
• #माओवादी केन्द्र
• #राष्ट्रियसभा