थाहा दिवस मनाईयो, तीन जना सम्मानित
![](https://www.tatokhabar.com/wp-content/uploads/2024/01/Messenger_creation_6f18c9be-86f1-4987-9474-67c0034737de.jpeg)
थाहा – थाहा दर्शनका प्रणेता रुपचन्द्र विष्टको ९० औँ जन्मजयन्तिको अवसरमा थाहा नगरपालिका बिकास घर परिसरमा रहेको विष्टको शालिकमा माल्यार्पण गरि थाहा दिवस मनाईएको छ ।
दिवसको अवसरमा थाहा नगरपालिका प्रमुख विष्णु बहादुर विष्ट र उपप्रमुख भरत गोपालीले रुपचन्द्र बिष्टको शालिकमा माल्यार्पण गरेका थिए ।
थाहा नगरपालिकामा वडा नम्वर ३ का वडाध्यक्ष हिरेन्द्र कुमार रायमाझीको अध्यक्षतामा भएको कार्यक्रममा शिक्षा र सामाजिक क्षेत्र योगदान पुर्याई जनकल्याण माबि पालुङबाट सेवा निबृत्त शिक्षक कृष्णबहादुर विष्टलाई तिर्थदास स्मृति सामाजिक सम्मान गरिएको थियो ।
त्यस्तै पत्रकारिता मार्फत थाहानगरको बिकासमा योगदान गरे बापत पत्रकारद्वय राजुकमार केसी र सुजन ढकाललाई थाहा पत्रकारिता पुरस्कार प्रदान गरिएको थियो ।
कार्यक्रममा प्रमुख अतिथि रहेका थाहा नगरपालिका प्रमुख विष्णु बहादुर विष्टले थाहा दर्शनका प्रणेता रुपचन्द्र विष्ट थाहाको सामाजिक चेतनास्तर बिकास गर्ने महत्त्वपूर्ण ब्याक्तित्व भएको बताए ।
थाहा नगरपालिकाक्को रोजगार संयोजक कुमार नेगीले संचालन गर्नुभएको कार्यक्रममा फरक सोचका अभियन्ता यादवजंग रायमाझीले थाहा नगरपालिकामा रहेको पर्यटकीय क्षेत्रलाई प्रवद्र्धन गर्न फरक सोचले विभिन्न कार्यक्रमहरु सञ्चालन गरिरहेको बताए ।
थाहा दर्शनका प्रणेता रुपचन्द्र विष्टको जन्म जयन्तिको अवसरमा हरेक बर्षको पौष २६ गते फरक सोचले विगत वर्षहरुदेखि विभिन्न कार्यक्रमहरु गर्दै आइरहेको छ ।
प्रतिक्रिया दिनुहोस् :
तातोखबर
-
१.
अन्तर्राष्ट्रिय समन्वय र सहकार्यबाट वर्तमान चुनौति सामना गर्न सकिने गृहमन्त्री लेखकको दावी
-
२.
साहित्यभित्रको पनि साहित्यिक कृतिः दृष्टि–दृष्टिकोण
-
३.
नेपाल इन्भेष्टमेण्ट मेगा बैंक लिमिटेडको संस्थापक शेयर बिक्रीमा
-
४.
नेपाली बजारमा सुनको मूल्य यथावत, एक लाख ५२ हजार रुपैयाँमा कारोबार
-
५.
एमालेको पोलिब्यूरो बैठक आज समापन हुँदै