यू-१९ विश्वकप : दिउँसो पौने २ बजे नेपालले अफगानिस्तानको सामना गर्ने
![gulsan-jha-nepali-u19-teem](https://www.tatokhabar.com/wp-content/uploads/2024/01/gulsan-jha.jpg)
तातोखबर, क्रिकेट / नेपालले आईसीसी यू-१९ विश्वकप २०२४ मा आफ्नो समूह चरणको अन्तिम खेल (शुक्रवार) आज अफगानिस्तानसँग खेल्दै छ।
दक्षिण अफ्रिकाको इस्ट लण्डनस्थित बफेलो पार्कमा दिउँसो पौने २ बजे नेपालले अफगानिस्तानको सामना गर्ने भएको हो। भोलिको खेलमा विजेता टोली सुपर सिक्समा पुग्नेछ।
अघिल्ला २ खेल लगातार हारेको नेपाललाई सुपर सिक्समा पुग्न अफगानिस्तानलाई पराजित गर्नैपर्ने चुनौतीमा छ।
आफ्ना २ खेलमा पराजय भोगेको अफगानिस्तानले पनि सुपर सिक्समा पुग्न नेपाललाई हराउनै पर्नेछ। नेपाल र अफगानिस्तानबीचको खेल नकआउट सरह बन्न पुगेको छ ।
समूह ‘डी’ मा रहेको नेपाल पहिलो खेलमा न्युजिल्यान्डसँग ६४ रनले पराजित भएको थियो भने दोस्रो खेलमा पाकिस्तानसँग ५ विकेटले पराजित भएको थियो ।
अफगानिस्तान भने पाकिस्तानसँग १८१ रन र न्युजिल्याण्डसँग १ विकेटले पराजित भएको थियो ।
दक्षिण एशियाका दुई चर्चित यू-१९ क्रिकेट टोली नेपाल र अफगानिस्तानले हालसम्म विश्वकपमा एकअर्काविरुद्ध प्रतिस्पर्धा गरेका छैनन् । यी दुई टोलीबीच यू–१९ विश्वकपमा पहिलो पटक भेट हुनेछ।
समूहमा लगातार २ खेल जितेका पाकिस्तान र न्युजिल्याण्ड ४/४ अंक जोड्दै सुपर सिक्समा पुगिसकेका छन्। नेपाल र अफगानिस्तान दुवै अंकविहीन छन्।
विश्वकपमा नेपाल समूह ‘डी’ मा रहेको छ। यो समूहमा न्युजिल्याण्ड, पाकिस्तान र अफगानिस्तान रहेका छन्।
समूह ‘ए’ मा भारत, बंगलादेश, आयरल्याण्ड र अमेरिका, समूह ‘बी’ मा इङ्गल्याण्ड, दक्षिण अफ्रिका, वेस्ट इन्डिज र स्कटल्याण्ड तथा समूह ‘सी’ मा अस्ट्रेलिया, श्रीलंका, जिम्बावे र नामिबिया रहेका छन्।
अंक तालिकामा हरेक समूहबाट शीर्ष तीनमा रहने टोली सुपर सिक्समा पुग्नेछन्।
प्रतिक्रिया दिनुहोस् :
तातोखबर
-
१.
अन्तर्राष्ट्रिय समन्वय र सहकार्यबाट वर्तमान चुनौति सामना गर्न सकिने गृहमन्त्री लेखकको दावी
-
२.
साहित्यभित्रको पनि साहित्यिक कृतिः दृष्टि–दृष्टिकोण
-
३.
नेपाल इन्भेष्टमेण्ट मेगा बैंक लिमिटेडको संस्थापक शेयर बिक्रीमा
-
४.
नेपाली बजारमा सुनको मूल्य यथावत, एक लाख ५२ हजार रुपैयाँमा कारोबार
-
५.
एमालेको पोलिब्यूरो बैठक आज समापन हुँदै