धरहराको पार्किङमा बालेन र मन्त्रालयको दोहोरी
तातो खबर
तातोखबर, काठमाडौं / काठमाडौं महानगरपालिकाका प्रमुख बालेन्द्र शाहले निर्माणाधीन धरहरामा निःशुल्क पार्किङ शुरु गरेपछि निर्माण कम्पनीले क्षतिपूर्ति माग गरेको छ। पार्किङले काममा बाधा पुगेको भन्दै निर्माण कम्पनीले क्षतिपूर्तिको लागि शहरी विकास मन्त्रालयमा पत्राचार गरी क्षतिपूर्ति मागेको मन्त्रालयले जनाएको हाे।
महानगरपालिकाले पुसमा धरहरा पुनर्निर्माणमा खटिएका कामदारहरू बस्दै आएको संरचनामा पनि डोजर चलाएको थियो। शहरी विकास मन्त्रालयको केन्द्रीय आयोजना कार्यान्वयन इकाईका प्रमुख कोषनाथ अधिकारीका अनुसार धरहराको अझै करिब ८ प्रतिशत काम बाँकी रहेको छ।
तर यता महानगरपालिकाले माघ १४ गतेदेखि निःशुल्क पार्किङ खुला गरेको थियो। पार्किङ गर्ने चालकहरूले अत्यन्तै राम्रो काम भएको भन्दै बालेनको तारिफ गरिरहेका छन्।
निर्माण कम्पनी जिआइइटिसी-रमण जेभीले भने काममा बाधा पुगेको भन्दै पार्किङ खुला भएको दिन नै क्षतिपूर्ति मागदाबीसहित पार्किङ रोक्न मन्त्रालयमा पत्र पठायो।
त्यसपछि शहरी विकास मन्त्रालयले महानगरपालिकालाई पत्राचार गरेर नै पार्किङ बन्द गर्न आग्रह गरेको छ। ‘निर्माण कम्पनीले क्षतिपूर्ति माग गरेको छ, काम नै नसकि पार्किङ त खुला गर्न भएन नी!,’ इकाइ प्रमुख अधिकारीले भने। उनले पार्किङ खुला गर्नको लागि कुनै महानगरबाट पत्र नआएको पनि बताएका छन् ।
‘धरहरा पुनर्निर्माण भइरहेकोमा सो निर्माण व्यवसायीबाट मिति २०८०/१०/१४ को पत्रबाट काठमाडौं महानगरपालिकाबाट कर्मचारीहरू आई जबरजस्ती ढंगबाट सर्वसाधारणलाई ट्रिपल बेसमेन्टमा पार्किङ खुलाएकोले सो कार्य हाल रोकी पाउँ भन्ने आशयको व्यहोरा लेखी आएको तथा यस इकाईसँग कुनै सम्पर्क र समन्वय नै नगरि तर नि:शुल्क पार्किङ खुल्ला गरियो,’ मन्त्रालयको केन्द्रीय आयोजना कार्यान्वयन इकाईको पत्रमा पनि उल्लेख छ।
मन्त्रालयका अनुसार धरहरा रंगरोगन, पार्किङ प्रवेशद्वारमा विभिन्न छुटपुट कार्यहरू गर्न बाँकी छ। ‘तसर्थ माथि उल्लेखित कार्यहरू सम्पन्न नै नगरी भूमिगत पार्किङ संचालन गर्दा निस्सासिएर मानवीय क्षतिसमेत हुने सम्भावना देखिएको एवं गर्न बाँकी रहेका माथिका कार्यहरू सम्पन्न गर्न बाधा व्यवधानसमेत उत्पन्न हुने र निर्माण व्यवसायीबाट यस इकाईलाई आयोजना सम्पन्न भई हस्तान्तरण नभएको सन्दर्भमा निर्माण स्थलमा अनगिन्ती र अनधिकृत व्यक्तिहरू र सवारीसाधनहरूको प्रवेशले निर्माण स्थलको सुरक्षामा थप चुनौती बढ्छ,’ पत्रमा उल्लेख छ।
प्रतिक्रिया दिनुहोस् :
तातोखबर
-
१.
ओलीले बोलाए मन्त्रिपरिषद्को बैठक
-
२.
पूर्वराजा शाह भोलि लुम्बिनी जाँदै, एक हजार बुद्ध मन्दिरको पूजा कार्यक्रममा सहभागी हुने
-
३.
भारतीय सेनाध्यक्ष उपेन्द्र द्विवेदीलाई आज मानार्थ महारथीको दर्ज्यानी चिह्न प्रदान गरिने
-
४.
आज विश्व टेलिभिजन दिवस, सामाजिक सञ्जालको व्यापकताले टेलिभिजन हेर्नेको संख्या घट्दै
-
५.
आजदेखि फिल्म साउथ एसिया महोत्सवको चौथौ संस्करण सुरु
धेरै हेरिएको
-
आत्महत्या गरेका देवकोटालाई नेपाल इन्भेष्टमेन्ट मेगा बैंकमा उपस्थित हुन ३५ दिने सुचना
-
बैंकका अपरेशन इन्चार्जमाथि प्रभु बैंक गण्डकी प्रदेश अधिकृतको हातपात
-
कृषि बीमाको सरकारी अनुदान ठग्ने शिखर इन्स्योरेन्सलाई किन भएन कारबाही? के गर्दै छ प्राधिकरण
-
चन्द्रागिरि हिल्स : धर्मको नाममा लुट्ने मेसो, भालेश्वर मन्दिर दर्शन गर्न कम्तिमा १०० तिर्नुपर्ने
