तातोखबर, क्रिकेट / एकदिवसीय सिरिजअन्तर्गत नेपालविरुद्धको दोस्रो खेलमा क्यानडाले टस जितेर अहिले ब्याटिङ गरिरहेको छ ।

२४ ओभरमा २ विकेट गुमाएर १४० रन बनाउदैं क्यानाडाले ब्याटिङ गरिरहेको छ ।

Advertisement:

क्यानडाविरुद्धको खेलमा नेपालका १९ वर्षीय आकाश चन्दले डेब्यू गरेका छन्। उनले ललितनारायण राजवंशीको स्थान लिँदै आजको खेलमा डेब्यू गरेका  हुन् ।

चन्द नेपाली सिनियर टोलीबाट एकदिवसीय खेल खेल्ने ४०औँ  खेलाडी बनेका छन्। उनलाई कीर्तिपुरस्थित त्रिवि क्रिकेट मैदानमा शरद भेषावकरले ‘क्याप’ दिए। आइसिसी यु–१९ विश्वकपमा उत्कृष्ट खेल प्रदर्शन गरेपछि चन्द सिनियर टोलीमा स्थान बनाउन सफल भएका हुन्।

क्यानडाविरुद्धको दोस्रो खेलमा नेपाली टोलीमा चन्दसँगै रोहितकुमार पौडेल (कप्तान), आसिफ शेख, देव खनाल, कुशल मल्ल, भीम सार्की, पवन सर्राफ, सोमपाल कामी, रिजन ढकाल, सूर्य तामाङ र अनिलकुमार साह छन्।

यसअघि बिहीबार भएको सिरिजको पहिलो खेलमा नेपालले क्यानडालाई ७ रनले पराजित गरेको थियो।

• #आइसीसी
• #क्रिकेट