बालकुमारी घटना:समितिको प्रतिवेदन अध्ययन गरेर कारबाही प्रक्रिया अघि बढाउने-प्रधानमन्त्री
![prachanda-samsad-bhawan](https://www.tatokhabar.com/wp-content/uploads/2024/02/prachanda-samsad-bhawan.jpg)
तातोखबर, काठमाडौं / प्रधानमन्त्री पुष्पकमल दाहाल प्रचण्डले बालकुमारी घटनाबारे छानबिन समितिको प्रतिवेदनबारे अध्ययन गरेर कारबाही प्रक्रिया अघि बढाउने बताएका छन् । जारी प्रतिनिधिसभा वैठकमा सांसदहरूले उठाएको प्रश्नको जवाफमा उनले यस्तो प्रतिबद्धता जनाएका हुन् ।
प्रधानमन्त्री प्रचण्डले सांसदहरूले भने जसरी मृतकका परिवारलाई १० लाख रुपैयाँ दिएर सरकार चुप बसेको भन्ने आरोपमा सत्यता नभएको दाबी गरे । उनले मृतकका परिवारका एक-एकजनालाई रोजगारीको ग्यारेन्टी र श्रम मन्त्रालयबाट थप रकम दिने निर्णय पनि सकारले गरिसकेको उनले जानकारी दिए ।
‘विषयलाई जसरी प्रस्तुत गरियो त्यो घटनाबारे सरकारको तर्फबाट तत्काल लिएको पहल र त्यसपछि भएको क्रियालकलापबारे लगत सूचना भएको पाएँ’, उनले भने, ‘त्यसमा तत्काल संलग्नहरूलाई निलम्बन गर्ने, छानविन अघि बढाउने र मृतकका परिवारलाई १० लाख मात्र होइन, ज्यान गुमाएका दुई व्यक्तिका परिवारका एकएक जनालाई रोजगारी दिने र श्रम मन्त्रालयले त्यो अफिसबाट थप रकम दिन निर्देशन पनि सरकारले दिएको छ।’
प्रधानमन्त्री प्रचण्डले अहिले गृहमा रहेको प्रतिवेदन आजै आफूले बुझेर अध्ययन गर्ने र त्यसपछि त्यसैअनुसार आफू अघि बढ्ने बताएका छन्। उनले भने, ‘जुन प्रतिवेदन आएको छ, र अहिले गृहमा छ। यसलाई आज मैले बुझ्दै छु। अहिलेसम्म मैले हेरेको छैन। आजै क्याविनेट छ। त्यसलाई अध्ययन गरेपछि आवश्यक कारबाही गरिन्छ।’
प्रतिक्रिया दिनुहोस् :
तातोखबर
-
१.
अन्तर्राष्ट्रिय समन्वय र सहकार्यबाट वर्तमान चुनौति सामना गर्न सकिने गृहमन्त्री लेखकको दावी
-
२.
साहित्यभित्रको पनि साहित्यिक कृतिः दृष्टि–दृष्टिकोण
-
३.
नेपाल इन्भेष्टमेण्ट मेगा बैंक लिमिटेडको संस्थापक शेयर बिक्रीमा
-
४.
नेपाली बजारमा सुनको मूल्य यथावत, एक लाख ५२ हजार रुपैयाँमा कारोबार
-
५.
एमालेको पोलिब्यूरो बैठक आज समापन हुँदै