तातोखबर, काठमाडौं / नेपाली बजारमा सुनको मूल्यले नयाँ रेकर्ड बनाउने क्रम जारि छ।

मंगलबार र बुधबार ऐतिहासिक मूल्यमा कारोबार भएको सुनको भाउ आज पनि नयाँ उचाइमा पुगेको हो। आज सुनको प्रतितोला १ हजार ५ सय रुपैयाँले बढेको छ। आज छापावाला सुन १ लाख २५ हजार रुपैयाँमा कारोबार भइरहेको छ।

Advertisement:

मंगलबार २ हजार रुपैयाँले बढेर १ लाख २३ हजार रुपैयाँमा कारोबार भएको सुनको भाउ बुधबार ५०० रुपैयाँले बढेर १ लाख २३ हजार ५०० रुपैयाँमा कारोबार भएको थियो।

नेपाल सुन चाँदी व्यवसायी महासंघका अनुसार आज तेजावी सुन १ लाख २४ हजार ४०० रुपैयाँमा कारोबार भएको छ। बुधबार तेजावी सुन १ लाख २२ हजार ९ सय रुपैयाँमा कारोबार भएको थियो।

विश्व राजनीतिको उतावचढावले अन्तर्राष्ट्रिय बजारमा प्रभाव पारेकोले नेपालमा सुनको भाउ वृद्धि भइरहेको हो ।

यस्तै, बिहीबार चाँदीको भाउ ३० रुपैयाँले बढेको छ। बुधबार प्रतितोला १ हजार ४४० रुपैयाँमा कारोबार भएको चाँदी बिहीबार १ हजार ४७० रुपैयाँमा कारोबार भइरहेको छ।

अन्तराष्ट्रिय बजारमा आज सुन प्रतिऔंस सुन २ हजार १५८ दशमलव ६७ डलरमा कारोबार भइरहेको छ भने प्रतिऔंस चाँदी २४ दशमलव २४ डलरमा कारोबार भइरहेको छ।

• #नयाँ रेकर्ड
• #मूल्य
• #सुन