हेटौंडामा अन्तर क्याम्पस टि–२० क्रिकेट हुँदै
हेटौंडा–हेटौंडामा फागुुन २६ गतेदेखि अन्तर क्याम्पस टि– २० क्रिकेट प्रतियोगिता हुने भएको छ । स्व. अष्टकुमारी शाक्यको स्मृतिमा हेटौंडा जेसीजले आयोजना गर्न लागेको प्रतियोगिता फागुन २६ गते देखि २९ सम्म हुने विहीबार पत्रकार सम्मेलन मार्फत जानकारी दिइएको छ ।
हेटौंडा जेसीज वर्ष २०२४ का अध्यक्ष विकेशलाल श्रेष्ठका अनुसार मकवानपुरका हेटौंडा स्कुल अफ म्यानेजमेन्ट, हेटौंडा सिटी कलेज र नारायणी कलेज, बाराको सिमरा क्याम्पस, पर्साको नेशनल इन्फोेटेक र चितवनको एरोभा कलेजले प्रतियोगितामा सहभागिता जनाउनेछन् ।
जेसीजका वर्ष १९९२ का अध्यक्ष पूर्ण शाक्यका आमा अष्ट कुमारी शाक्यको स्मृतिमा स्व.अष्टकुमारी टि २० क्रिकेट प्रतियोगिता आयोजना हुँदै आएको छ । प्रतियोगितामा विजेताले पचास हजार, ट्रफि र मेडल प्राप्त गर्नेछन् भने उपविजेताले २५ हजार, ट्रफि र मेडल पाउनेछन् । प्रतियोगितामा उत्कृष्ट खेलाडीलाई १० हजार, उत्कृष्ट व्याट्सम्यान र बलरलाई पाँच/पाँच हजार नगद प्रदान गरिने अध्यक्ष श्रेष्ठले बताए । प्रतियोगितामा करिब चार लाख ५० हजार खर्च अनुमान रहेको आयोजकले जनाएको छ ।
प्रतिक्रिया दिनुहोस् :
तातोखबर
-
१.
अन्तर्राष्ट्रिय समन्वय र सहकार्यबाट वर्तमान चुनौति सामना गर्न सकिने गृहमन्त्री लेखकको दावी
-
२.
साहित्यभित्रको पनि साहित्यिक कृतिः दृष्टि–दृष्टिकोण
-
३.
नेपाल इन्भेष्टमेण्ट मेगा बैंक लिमिटेडको संस्थापक शेयर बिक्रीमा
-
४.
नेपाली बजारमा सुनको मूल्य यथावत, एक लाख ५२ हजार रुपैयाँमा कारोबार
-
५.
एमालेको पोलिब्यूरो बैठक आज समापन हुँदै