तातोखबर /  आर्सनल इंग्लिस प्रिमियर लिगको शीर्ष स्थानमा उक्लिएको छ । ब्रेन्टफर्ड माथि शनिबार २-१ को जित निकाल्दै आर्सनल शीर्ष स्थानमा उक्लिएको हो ।

आर्सनलको जितकालागि डेकलन राइस र काई हाभेर्ट्जले गोल गरे । खेलको १९औं मिनेटमा बेन व्हाइटको क्रसमा हेडर मार्फत गोल गर्दै राइसले खेलमा आर्सनललाई सुरुवाती अग्रता दिलाउन सफल भए ।

Advertisement:

पहिलो हाफको अन्त्यमा आर्सनलका गोलरक्षक एरन राम्सडेलले क्लियर गर्न खोजेको बल योआन विस्सालाई लागेर पोस्टमा पुगेको थियो ।

खेलको ८६औं मिनेटमा व्हाइटकै पासमा हाभेर्ट्जले फ्रि-हेडर प्रहार गर्दै खेलमा आर्सनललाई जित दिलाएका थिए ।

शीर्ष स्थान रहेको आर्सनलको २८ खेलमा ६४ अंक भएको छ । एक खेल कम खेलेको  लिभरपुल ६३ र तेस्रो स्थानको म्यानचेस्टर सिटीको समान ६२ अंक रहेको छ ।

प्रिमियर लिगमा आइतबार लिभरपुल र सिटीले एकअर्काको सामना गर्नेछन् ।:

• #आर्सनल
• #प्रिमियर लिग
• #ब्रेन्टफर्ड