राष्ट्रियसभालाई देशको अत्यावश्यक संस्था बनाउने प्रयत्न गर्छु : नवनिर्वाचित अध्यक्ष
तातो खबर
तातोखबर, काठमाडौँ / राष्ट्रियसभाका नवनिर्वाचित अध्यक्ष नारायणप्रसाद दाहालले राष्ट्रियसभालाई ओजपूर्ण र देशको अत्यावश्यक संस्था बनाउन प्रयत्न गर्ने प्रतिवद्धता जनाएका छन्।
मंगलवार राष्ट्रियसभा अध्यक्षमा निर्वाचित भएपछि सञ्चारकर्मीलाई प्रतिक्रिया दिँदै अध्यक्ष दाहालले राष्ट्रियसभालाई ओजपूर्ण, गरिमामय र देशको अत्यावश्यक संस्था बनाउन प्रयत्न गर्ने बताएका हुन्। उनले राष्ट्रियसभाको अधिकार क्षेत्रभित्र पर्ने कानून निर्माण लगायत हरेक कामलाई गम्भीरताका साथ लिएर अघि बढ्ने बताएका छन् ।
विभिन्न पार्टीसँग आबद्ध राष्ट्रियसभा सदस्यहरूलाई एकताबद्ध बनाएर लैजाने कुरामा आफू प्रतिबद्ध रहेको बताए। संविधानले दिएको अधिकार क्षेत्रभित्र रहेर सभाको गरिमा बढाउने गरी काम गर्ने उनले बताए।
दाहालले भने, ‘जुन उद्देश्य, प्रतिबद्धता र चाहनाका साथ मलाई यो ठाउँमा पुर्याउनुभएको छ, म त्यो काम पूरा गर्न तयार रहनेछु। राष्ट्रियसभाले गर्नुपर्ने सबै दायित्व, भूमिकालाई पूरा गराउन म सबै दलसँग आबद्ध माननीय सदस्यहरूलाई एकताबद्ध बनाएर लैजाने कुरामा प्रतिबद्ध छु।’
अध्यक्ष दाहालले राष्ट्रियसभा अध्यक्षको रूपमा आफू सफल हुने कुराको आत्मविश्वास पनि रहेको बताए।
प्रतिक्रिया दिनुहोस् :
तातोखबर
धेरै हेरिएको
-
आत्महत्या गरेका देवकोटालाई नेपाल इन्भेष्टमेन्ट मेगा बैंकमा उपस्थित हुन ३५ दिने सुचना
-
बैंकका अपरेशन इन्चार्जमाथि प्रभु बैंक गण्डकी प्रदेश अधिकृतको हातपात
-
कृषि बीमाको सरकारी अनुदान ठग्ने शिखर इन्स्योरेन्सलाई किन भएन कारबाही? के गर्दै छ प्राधिकरण
-
चन्द्रागिरि हिल्स : धर्मको नाममा लुट्ने मेसो, भालेश्वर मन्दिर दर्शन गर्न कम्तिमा १०० तिर्नुपर्ने
