प्रचण्डलाई दिल खोलेर विश्वासको मत दिनु: अध्यक्ष ओली
तातो खबर
तातोखबर, काठमाडौँ / नेकपा एमालेका अध्यक्ष केपी शर्मा ओलीले प्रधानमन्त्री प्रचण्डलाई दिल खोलेर विश्वासको मत दिन सांसदहरुलाई निर्देशन दिएका छन्।
नेकपा एमालेको संसदीय दलको बैठकमा अध्यक्ष ओलीले भनेका छन्, ‘प्रधानमन्त्रीले अहिले राम्रो काम गर्नुभएको छ’, तत्काल प्रधानमन्त्री पदका लागि एक डेढ वर्ष खतरा नहुँदानहुँदै पनि गठबन्धन बदल्ने निर्णय गर्नुभएको छ, अनुचितलाई छाडेर उचित गठबन्धन बनाउनुभयो दिल खोलेर मत दिनुपर्छ।’
उनले प्रधानमन्त्री प्रचण्डले विश्वासको मत नपाए अल्पमतको सरकार हुने र देश दुर्घटनामा जाने बताए। उनले यतिबेला अर्को कुनै अप्सन नै नभएको पनि बताएका छन्।
अध्यक्ष ओलीले देश बर्बादीतर्फ जान लागेकाले सत्ता समीकरण बदलेको पनि बताए। उनले सरकारमा जान हतार भएर गठबन्धन भत्काएको भन्ने कुरा गलत भएको टिप्पणी गरे। उनले सरकारका बारेमा कुनै आलोचना गर्नुपर्यो भने पार्टीको अनुमति लिएर मात्रै गर्न पार्टी पंक्तिलाई सचेत गराए।
अध्यक्ष ओलीले तराईमा डोरीलाई कहिलेकहिले सर्प भनेर झुक्किने गरेको दृष्टान्त पेश गर्दै त्यसैगरी सरकारका बारेमा जथाभावी बोल्दा राम्रो नहुने पनि बताए।
कुनै पनि मन्त्रालयको काम सन्तोषजनक भएन भने छलफल गरेर त्यसलाई सन्तोषजनक, प्रशंशायोग्य बनाउने कुरामा पार्टीले योगदान दिने कार्य योजनासमेत रहेको उनले बताए।
प्रतिक्रिया दिनुहोस् :
तातोखबर
धेरै हेरिएको
-
आत्महत्या गरेका देवकोटालाई नेपाल इन्भेष्टमेन्ट मेगा बैंकमा उपस्थित हुन ३५ दिने सुचना
-
बैंकका अपरेशन इन्चार्जमाथि प्रभु बैंक गण्डकी प्रदेश अधिकृतको हातपात
-
कृषि बीमाको सरकारी अनुदान ठग्ने शिखर इन्स्योरेन्सलाई किन भएन कारबाही? के गर्दै छ प्राधिकरण
-
चन्द्रागिरि हिल्स : धर्मको नाममा लुट्ने मेसो, भालेश्वर मन्दिर दर्शन गर्न कम्तिमा १०० तिर्नुपर्ने
