तातोखबर, काठमाडौँ / शुक्रबार प्रतिनिधि सभा बैठकको शून्य समयमा बोल्दै  प्रमुख प्रतिपक्षी दल नेपाली कांग्रेसका सांसद अर्जुननरसिंह केसीले साढे ३३ किलो सुन प्रकरणको छानबिन प्रतिवेदन पनि सार्वजनिक गर्न माग गरेका छन्।

सांसद केसीले २०७५ सालमा ईश्वर पौडेल नेतृत्वको छानबिन आयोगले बनाएको साढे ३३ किलो सुन प्रकरणको प्रतिवेदन गायभ पारिएको बताउँदै संसदमा सार्वजनिक गर्न माग गरेका हुन्।

Advertisement:

‘२०७५ सालमा प्रधानमन्त्री र गृहमन्त्रीलाई बुझाएको  ७५२ पेजको प्रतिवेदन गायभ गरिएको छ,’ उनले भने, ‘ देशको आजसम्मकै सबैभन्दा ठूलो भ्रष्टाचार एनसेल काण्डको प्रतिवेदन पनि सार्वजनिक गरियोस्। लुकाएर नराखियोस्।‘

डिल्लीराज आचार्य नेतृत्वको आयोगले तयार पारेको अहिलेको प्रतिवेदन पनि सार्वजनिक गर्न उनले माग गरेका छन्। ‘डिल्लीराजको प्रतिवेदन त्यत्तिकै अत्तोनपत्तो हराउने काम नहोस्। जो दोषी छन् तिनिहरूमाथि सम्पूर्ण रूपले कारबाही होस्,’ उनले भने।

• #३३ किलो सुन
• #अर्जुननरसिंह केसी
• #नेपाली कांग्रेस
• #प्रतिवेदन
• #सार्वजनिक
• #सांसद