प्रतिनिधि सभाको बैठक आज बस्दै
![](https://www.tatokhabar.com/wp-content/uploads/2024/03/samsad-1024x546-4.jpg)
काठमाडौँ – प्रतिनिधि सभाको बैठक आज बस्दै छ । बैठक बिहान ११ बजे संघीय संसद् भवन नयाँ बानेश्वरमा बस्ने गरी आह्वान गरिएको हो ।
बैठकमा राष्ट्रिय सभामा उत्पत्ति भएको ‘सहिद दशरथ चन्द स्वास्थ्य विज्ञान विश्वविद्यालय विधेयक, २०८० माथि विचार गरियोस्’ भन्ने प्रस्ताव प्रस्तुत हुनेछ ।
उक्त विधेयक शिक्षा, विज्ञान तथा प्रविधिमन्त्री सुमना श्रेष्ठले पेस गर्ने सम्भावित कार्यसूची रहेको जनाइएको छ ।
आर्थिक वर्ष २०८१–०८२ को लागि विनियोजन विधेयकका सिद्धान्त र प्राथमिकता सम्बन्धमा (कर प्रस्तावबाहेक) माथि छलफल जारी रहने संसद् सचिवालयले जनाएको छ ।