मंगलदीप सहकारीको स्थापना दिवसमा रक्तदान कार्यक्रम हुने
![](https://www.tatokhabar.com/wp-content/uploads/2024/03/Messenger_creation_971f0100-53c6-4dcb-ae0f-e7bd0c0bdbcb.jpeg)
थाहा – ललितपुर जिल्लाको लगनखेलमा मुख्य कार्यालय रहेको मंगलदीप बचत तथा ऋण सहकारी संस्था लिमिटेडले १० औं स्थापना दिवसको अवसरमा थाहा नगरपालिका वडा नम्बर ४ शिखरकोटमा बृहत रक्तदान कार्यक्रम आयोजना गर्ने भएको छ ।
सहकारी संस्थाको सदस्य सेवा केन्द्र शिखरकोटको ब्यवस्थापनमा आगामी चैत्र १० गते शनिबार बिहान ११ बजेदेखि रक्तदान कार्यक्रम आयोजना गरिएको गर्न लागिएको सेवा केन्द्र प्रमुख गणेश विष्टले जानकारी दिए । रक्तदान कार्यक्रममा स्थानीय संघ संस्थाहरुको सहयोग र सहकार्य रहने केन्द्र प्रमुख बिष्टले बताए ।
कार्यक्रमको सहआयोजकमा पालुङ जेसीज रहेको छ भने सहायेगी संस्थाहरु नेपाल रेडक्रस सोसाइटी दामन उपशाखा, लायन्स क्लव अफ थाहा पिस, लियो क्लव अफ थाहानगर, फरक सोच, नेपाल लाईफ इन्स्योरेन्स कम्पनी उपशाखा पालुङ, शिखर क्लव र शिखरकोट बजार व्यवस्थापन समिति रहेका छन् ।
२०७० साल चैत्र ९ गते स्थापना भएको मंगलदीप बचत तथा ऋण सहकारी संस्थाले बिगतका वर्षहरुमा पनि स्थापना दिवसको अवसरमा समुदायमा आधारित विविध सामाजिक कार्यहरु गर्दै आएको छ । छोटो समयमा सदस्यहरुको विश्वास जित्न सफल सहकारीको थाहा नगरसहित २ वटा सेवा केन्द्र सञ्चालनमा रहेका छन् । मकवानपुरको थाहा नगरपालिकाकोे शिखरकोटमा २०७८ असोजदेखि सेवा केन्द्र सञ्चालनमा आएको हो ।
मंगलदीपको शिखरकोटसंगै गोदावरीको ठैबमा पनि सेवा केन्द्र सञ्चालनमा आएको छ । संस्थाले सहकारीको सिद्धान्त अनुसार समुदायमा आधारित संस्था भएकाले सामाजिक उत्तरदायित्वलाई आधार मान्दैे विभिन्न सचेतना र सेवामुलक कार्यहरु गर्दै आएको छ ।
प्रतिक्रिया दिनुहोस् :
तातोखबर
-
१.
अन्तर्राष्ट्रिय समन्वय र सहकार्यबाट वर्तमान चुनौति सामना गर्न सकिने गृहमन्त्री लेखकको दावी
-
२.
साहित्यभित्रको पनि साहित्यिक कृतिः दृष्टि–दृष्टिकोण
-
३.
नेपाल इन्भेष्टमेण्ट मेगा बैंक लिमिटेडको संस्थापक शेयर बिक्रीमा
-
४.
नेपाली बजारमा सुनको मूल्य यथावत, एक लाख ५२ हजार रुपैयाँमा कारोबार
-
५.
एमालेको पोलिब्यूरो बैठक आज समापन हुँदै