हेटौंडामा मकवानपुर जिल्ला स्तरीय व्याडमिन्टन प्रतियोगिता हुने
![](https://www.tatokhabar.com/wp-content/uploads/2024/03/Messenger_creation_9a340a77-d06a-45d2-9ee9-2cdd3e0b137b.jpeg)
मकवानपुर – चैत ९ र १० गते हेटौंडामा मकवानपुर जिल्ला स्तरीय व्याडमिन्टन खेल प्रतियोगिता हुने भएको छ ।मकवानपुर जिल्ला ब्याडमिन्टन संघको आयोजनामा २ दिने ब्याडमिन्टन खेल प्रतियोगिता हुन लागेको आइतबार पत्रकार सम्मेलन मार्फत आयोजकले जानकारी दिएको थियो ।
मकवानपुर जिल्लामा स्थायी घर भएको खेलाडी र मकवानपुर जिल्लालाई कार्यक्षेत्र विभिन्न पेशा व्यवसाय जागिर गरि बसेका खेलाडी मात्र सहभागी हुन पाउने मकवानपुर जिल्ला व्याडमिन्टन संघको वरिष्ठ उपाध्यक्ष विजय सिंह ठकुरीले जानकारी दिए।
प्रतियोगितामा सहभागी हुन आउने थाहा नगरपालिका, कैलाश गाँउपालिका, बाग्मती गाउपालिका, राक्सिराङ्ग गाँउपालिका, इन्द्र सरोवर गाँउपालिकाबाट आउने खेलाडीहरुलाई सम्बन्धित खेलाडीहरुको प्रतियोगिता सम्पन्न नभए सम्म खाना र वस्तको सुविधा रहेको उपाध्यक्ष ठकुरीले जानकारी दिए।
प्रतियोगिता अवधिभर उत्कृष्ट प्रदर्शन गर्ने २० वर्ष मुनीका उदयमन खेलाडी वर्ष २०८० मार्फत सम्मान गरिने छ। दुईजनालाई वेष्ट प्लेयर समेत घोषणा गरि ५, ५ हजार, ट्रफी र प्रमाणपत्र प्रदान गरिने छ।
प्रतियोगितामा प्रथम हुनेले नगद २० हजार र दोस्रो हुनेले १५ हजार सहित शिल्ड मेडल र प्रमाण पत्र प्राप्त गर्नेछन् ।
प्रतियोगिताका लागि करिब ८ देखि ९ लाख सम्म खर्च हुने आयोजकको अनुमान रहेको छ ।टिम दर्ता शुल्क प्रतिव्यक्ति एक हजार रहेको र त्यसमा नास्ता र जर्सिको समेत व्यवस्था रहेको आयोजकले बताएको छ।