नोबेल कलेजमा कार्यरत नर्स चन्द्रिकाको हत्या गरि शिवशंकरले गरे आत्महत्या
![](https://www.tatokhabar.com/wp-content/uploads/2023/11/death-sign.jpg)
तातोखबर, काठमाडौं / विराटनगरस्थित नोबेल मेडिकल कलेजमा कार्यरत २५ बर्षिया नर्स चन्द्रिकाकुमारी दासको हत्यामा संलग्न शिवशंकर दास मृत भेटिएका छन्।
चन्द्रिकाको हत्या गरेर फरार उनी आत्महत्या गरेको अवस्थामा मृत भेटिएका हुन् । उनको शव नोबेल साइन होटलमा झुण्डिएको अवस्था गएराति ९ बजे फेला परेको मोरङ जिल्ला प्रहरी कार्यालयका डिएसपी रञ्जन दाहालले जानकारी दिएका छन् ।
शिवकंरले ‘चन्द्रिकाको हत्या गरेँ । अब म पनि आत्महत्या गर्छु’ भनेर दिदीलाई हिजो दिउँसो फोन गरेको आधारमा सबै होटलमा खोज्न सुरु गरिएको थियो।
शिवशंकरले प्रेममा धोका पाएपछि चन्द्रिकाको हत्या गरी आफूले पनि आत्महत्या गरेको प्रारम्भिक अनुसन्धानबाट खुलेको प्रहरीले जनाएको छ। नर्स चन्द्रिकाको विराटनगर-४ मा रहेको डेराको बाथरुममा शुक्रबार धारिलो हतियार प्रहार गरी हत्या गरिएको अवस्थामा शव शव भेटिएको थियो।