भलिबल च्याम्पियनसिपको सेमिफाइनलमा एभरेष्ट क्लव
![](https://www.tatokhabar.com/wp-content/uploads/2024/03/vollyball.jpg)
तातोखबर, काठमाडौँ / एभरेष्ट भलिबल क्लव मंगलवार आठौं आरबिबी एनभिए महिला तथा पुरुष भलिबल च्याम्पियनसिपमा महिलातर्फ सेमिफाइनल पुगेको छ।
त्रिपुरेश्वरस्थित राष्ट्रिय खेलकुद परिषद् (राखेप)को कभर्डहलमा मंगलबार नेपाल पुलिस क्लबसँग ३-२ ले पराजित भए पनि एभरेष्ट सेमिफाइनलमा पुगेको हो। समूह ‘ए’को एभरेष्टले तीन खेलबाट सात अंक जोडेपछि सेमिफाइनल यात्राका लागि पर्याप्त भएको हो।
अनुभवी अरुणासहित उत्कृष्ट भारतीय खेलाडीको साथ पाएको एभरेष्टले पहिलो सेट २७-२५ ले आफ्नो पक्षमा पार्यो तर पुलिसले दोस्रो सेटमा २५-१८ को जित निकाल्दै पुनरागमन गर्यो। यद्यपि एभरेष्टले तेस्रो सेटमा २५-१६ ले आफ्नो बनाउँदै पुनः अग्रता लियो।
प्रतिस्पर्धात्मक चौथो सेट पुलिसले २७-२५ ले जित्यो। त्यससँगै खेल पाँचौं सेटसम्म लम्बियो। पाँचौं तथा निर्णायक सेट पुलिसले १५-९ को सफलता प्राप्त गर्दै जित निकाल्यो। यो समूहमा एभरेष्ट र गत संस्करणको विजेता पुलिससहित कर्णाली र त्रिभुवन आर्मी क्लब छन्।
अब बुधवार पुलिस र त्रिभुवन आर्मी क्लबबीच खेल हुनेछ। यो खेलले समूहबाट सेमिफाइनल पुग्ने दोस्रो टोलीका साथै समूहविजेता र उपिवेजा टुंगो लाग्नेछ।
मंगलबार नै आर्मीले कर्णाली प्रदेशलाई २५-१६,२५-२३, २५-७ ले हरायो। यसअघि एभरेष्टले कर्णाली प्रदेशलाई २५-१२, २५-७, २५-११ तथा आर्मीलाई २४-२६, २५-१७, २५-१९, २५-२२ ले पराजित गरेको थियो। पुलिसले पनि कर्णालीलाई २५-१२, २५-६, २५-८ ले हराएको थियो। महिलामा कुल सात टोलीले प्रतिस्पर्धा गरिरहेका छन्। दुई समूहका शीर्ष दुई टोलीले सेमिफाइनल यात्रा तय गर्नेछन् ।
पुरुषतर्फ एपिएफ समूह विजेता बन्दै क्वार्टरफाइनलमा प्रवेश गरेको छ। एपिएफले मंगलबार सुदूरपश्चिम प्रदेशमाथि ३-२ सेटको रोमाञ्चक जित निकाल्यो ।
यो जित एपिएफलाई उपविजेताका रूपमा क्वार्टरफाइनल पुग्न पर्याप्त बन्यो। समूह ‘बी’मा एपिएफले दुई खेलमा पाँच अंक जोड्यो। समान खेलमा सुदूरपश्चिमको चार अंक छ। सुदूरपश्चिमले सुरुआती दुई सेट २४-२६, १९-२५ ले गुमाएको थियो।
त्यसपछिका दुई सेट एपिएफले २८-२६, २५-२२, १५-१३ ले आफ्नो पक्षमा पार्दै जित निकाल्यो। मंगलवार नै साविक विजेता हेल्प नेपाल स्पोर्टस् क्लबले ढोरपाटन स्पोर्टस् क्लबलाई २५-१८, २५-१५, २५-१४ ले हरायो।
प्रतिक्रिया दिनुहोस् :
तातोखबर
-
१.
अन्तर्राष्ट्रिय समन्वय र सहकार्यबाट वर्तमान चुनौति सामना गर्न सकिने गृहमन्त्री लेखकको दावी
-
२.
साहित्यभित्रको पनि साहित्यिक कृतिः दृष्टि–दृष्टिकोण
-
३.
नेपाल इन्भेष्टमेण्ट मेगा बैंक लिमिटेडको संस्थापक शेयर बिक्रीमा
-
४.
नेपाली बजारमा सुनको मूल्य यथावत, एक लाख ५२ हजार रुपैयाँमा कारोबार
-
५.
एमालेको पोलिब्यूरो बैठक आज समापन हुँदै