तातोखबर / आर्सनलले इंग्लिस प्रिमियर लिगको शीर्षस्थानमा उक्लने मौका गुमाएको छ । आर्सनल आइतबार एस्टन भिल्लासँग २-०को गोल अन्तरले पराजित भएको छ ।

उपाधि होडमा रहेका दुई टोली लिभरपुल र आर्सनल पराजित भएपछि त्यसको फाइदा म्यानचेस्टर सिटीलाई पुगेको हो । खेलको अन्त्यमा एस्टन भिल्लाले २ गोल गर्दै आर्सनलमाथि सानदार जित निकालेको हो ।

Advertisement:

लियोन बेली र वली वाटकिन्सले गोल गर्दै टोलीलाई महत्वपूर्ण जितका लागि योगदान गरेका थिए । बेलीले ८३ औं र वाटकिन्सले ८६ औं मिनेटमा गोल गर्न सफल भएका थिए । त्यसअघि लिभरपुल क्रिस्टल प्यालेससँग १-० गोल अन्तरले पराजित भएको थियो । अर्को खेलमा फुलहमले वेस्टहम युनाइटेडलाई २-० ले हराएको छ ।

शीर्षस्थानको सिटीको ७३ अंक छ भने दोस्रो स्थानको आर्सनल र तेस्रो स्थानको लिभरपुलको समान ७१ अंक  रहेको छ । चौथो स्थानमा रहेको एस्टन भिल्लाले लिभरपुल र आर्सनलसँगको दुरी कम गराएको छ भने पाँचौं स्थानको टोटनहमलाई पछि पारेको छ । भिल्लाको ६३ र टोटेनहमको ६० अंक रहेको छ ।

• #आर्सनल
• #इंग्लिस प्रिमियर लिग
• #एस्टन भिल्ला
• #फुटबल
• #म्यानचेस्टर सिटी
• #लिभरपुल