सुदूरपश्चिमका नवनियुक्त मुख्यमन्त्री सोडारीले लिए शपथ
तातो खबर
तातोखबर, काठमाडौं / सुदूरपश्चिम प्रदेशका नवनियुक्त मुख्यमन्त्री दीर्घबहादुर सोडारीले पद तथा गोपनीयताको शपथ लिएका छन्।
प्रदेशका प्रमुख नजिर मियाँले उनलाई बिहीबार साँझ धनगढीस्थित आफ्नै कार्यालयमा मुख्यमन्त्री सोडारीलाई पद तथा गोपनीयताको शपथ खुवाए। मियाँले नेपालको संविधानको धारा, १७२ बमोजिम पद तथा गोपनीयताको शपथ गराएका हुन्।
नेकपा एमाले, माओवादी केन्द्र, नागरिक उन्मुक्ति पार्टीका अध्यक्ष पक्षधर सदस्य र स्वतन्त्र सदस्य डा तारा जोशी समेतको समर्थनमा सोडारी मुख्यमन्त्रीमा नियुक्त भएका हुन्। २०७९ को निर्वाचनमा लोकतान्त्रिक–वाम गठबन्धनको नेकपा एकीकृत समाजवादीबाट कैलाली निर्वाचन क्षेत्र ४ को प्रदेशसभा ‘क’ प्रदेशसभा सदस्यमा निर्वाचित सोडारी प्रदेश सभामा संसदीय दलका नेता छन्।
उनी २०७० सालमा नेकपा एमालेको कैलाली जिल्लाका अध्यक्ष थिए। तत्कालीन नेकपा विभाजनका वेला उनी एकीकृत समाजवादी तर्फ लागेका थिए।
अछामको मंगलसेनमा २०३४ मा जन्मिएका सोडारीले शिक्षाशास्त्रमा स्नातकसम्मको अध्ययन पुरा गरेका छन्।
प्रतिक्रिया दिनुहोस् :
तातोखबर
धेरै हेरिएको
-
आत्महत्या गरेका देवकोटालाई नेपाल इन्भेष्टमेन्ट मेगा बैंकमा उपस्थित हुन ३५ दिने सुचना
-
बैंकका अपरेशन इन्चार्जमाथि प्रभु बैंक गण्डकी प्रदेश अधिकृतको हातपात
-
कृषि बीमाको सरकारी अनुदान ठग्ने शिखर इन्स्योरेन्सलाई किन भएन कारबाही? के गर्दै छ प्राधिकरण
-
चन्द्रागिरि हिल्स : धर्मको नाममा लुट्ने मेसो, भालेश्वर मन्दिर दर्शन गर्न कम्तिमा १०० तिर्नुपर्ने
