मोटरसाइकल दुर्घटनामा श्रीमान् श्रीमती दुबैको मृत्यु
![](https://www.tatokhabar.com/wp-content/uploads/2024/02/accident_20180525050248_keM4jcgcci_SnbEKgaMob.jpg)
तातोखबर, महोत्तरी / बर्दिबास नगरपालिका–३ कालापानीको जंगलमा मोटरसाइकल दुर्घटना हुँदा २ जनाको मृत्यु भएको छ।
बा प्र ०२–०४३ प ७१८४ नम्बरको मोटरसाइकल सोमबार दुर्घटना हुँदा चालक सर्लाही ईश्वरपुर नगरपालिका-५ बस्ने ३५ वर्षीय मनोज चौधरी र मोटरसाइकलमा सवार उनकै श्रीमती २४ वर्षीया शिवानी चौधरीको मृत्यु भएको महोत्तरी प्रहरीले जनाएको छ।
दुर्घटनामा गम्भीर घाइते भएका उनीहरूको उपचारको लागि बर्दिबासस्थित जनसेवा अस्पतालतर्फ लैजाने क्रममा बाटोमै मृत्यु भएको महोत्तरी प्रहरीले जनाएको छ।