तातोखबर, भरतपुर/ चितवनमा  मोटरसाइकलले साइकलयात्रीलाई ठक्कर दिँदा साइकलयात्रीको मृत्यु भएको छ भने दुई जना घाइते भएका छन् । भरतपुर महानगरपालिका-११ गणेशस्थानका ६० वर्षीय कुमार गुरुङको मृत्यु भएको हो।

सोमबार साँझ भरतपुर महानगरपालिका-३ बेलचोकमा बाह्रघरेबाट बेलचोकतर्फ आउँदै गरेको मोटरसाइकलले विपरीत दिशाबाट आउँदै गरेको साइकललाई ठक्कर दिएको थियो।

Advertisement:

चितवन मेडिकल कलेजमा उपचारका क्रममा गुरुङको  मृत्यु भएको जिल्ला प्रहरी कार्यालय चितवनका प्रवक्ता श्रीराम भण्डारीले जानकारी दिए ।

मोटरसाइकल चालक मकवानपुर मनहरी गाउँपालिका-३ का ३३ वर्षीय सुदर्शन अधिकारी र मोटरसाइकल पछाडि सवार भरतपुर-९ वसन्तचोकका ४९ वर्षीय सन्तोष बुर्लाकोटी घाइते छन्। दुवैको उपचार चितवन मेडिकल कलेजमा  भइरहेको छ।

• #चितवन मेडिकल कलेज
• #भरतपुर महानगरपालिका
• #मोटरसाइकल दुर्घटना
• #साइकलयात्री
• #साइकलयात्रीको मृत्यु