गुल्मीको रिडी-तम्घास सडकखण्ड एक महिना बन्द हुने
![ridi-tamghas-road-construction-road-blocked-for-month](https://www.tatokhabar.com/wp-content/uploads/2024/04/ridi-tamghas-road-construction-road-blocked-for-month.jpg)
तातोखबर, गुल्मी / गुल्मीको रिडी-तम्घास सडकखण्ड सोमबारदेखि एक महिना बन्द हुने भएको छ ।
सडकका केही स्थानमा कडा चट्टान फोर्नुपर्ने र ग्रेड मिलाउनुपर्ने भएकाले आजदेखि जेठ १५ गतेसम्म बिहान १० बजेदेखि अपराह्न ४ बजेसम्म र राति १० बजेदेखि बिहान ४ बजेसम्म सडक बन्द हुने जिल्ला प्रशासन कार्यालय गुल्मीले जनाएको छ।
सूचना जारी गर्दै रिडी-तम्घास सडकखण्ड बन्द हुने भएकाले वैकल्पिक सडक प्रयोग गर्न भनिएको छ। यो सडक स्तरोन्नतिका लागि समानान्तर इलाइट जेभीले जिम्मा पाएको छ।