तातोखबर, हेटौंडा / बागमती प्रदेशका मुख्यमन्त्री शालिकराम जम्मकट्टेलले आफ्नो कार्यकालको १५ महिनाको अवधिमा धेरै राम्रा काम गरेको बताएका छन् । सोमबार बसेको प्रदेशसभाको बैठकमा विश्वासको मत माग्दै जम्मकट्टेलले नीतिगत कामहरु गर्न धेरै कोशिस गरिरहेको बताएका हुन्।
मुख्यमन्त्री जम्मकट्टेलले सबै दलका नेताहरुलाई एक ढिक्का भएर अगाडि बढ्न आग्रह गरे। प्रदेश सरकारलाई स्थायीत्व दिने र प्रदेशबासीको चाहना र अपेक्षाअनुसार काम गर्ने कुरामा एकताबद्ध भएर अगाडि बढ्न मुख्यमन्त्री जम्मकट्टेलले आग्रह गरे।
‘प्रदेशसभाको हाम्रो बनावटले हामि एउटै दलको प्रष्ट बहुमत नभएको अवस्थामा स्वभाबिक रुपमा दुई वा दुईभन्दा बढी दल मिलेर सरकार बन्नु पर्ने अहिलेको हाम्रो बाध्यता हो। जम्मकट्टलले भने, ‘त्यसैले यो बाध्यतालाई हामीले सहज रुपमा स्वीकार गर्दै सहजताको साथ अगाडि बढाऔं र सबै माननीयज्यूहरुलाई सरकारले अगाडि बढाएको बिश्वासको मतको पक्षमा मतदान गर्न सबैलाई अनुरोध गर्न चाहान्छु। ’