सीरियामा इजरायली सेनाले गरेको आक्रमणमा सात इरानी अधिकारीको मृत्यु
![Isrel-war-world-war-three-tatokhabar-international-news](https://www.tatokhabar.com/wp-content/uploads/2024/04/Isrel-war-world-war-three.jpg)
तातोखबर / सीरियाको राजधानी दमाश्कसमा इजरायली सेनाले गरेको आक्रमणमा सात इरानी अधिकारीको मृत्यु भएको छ।
इरानको रिभोल्युशनरी गार्डले एलिट कुद्स फोर्सका कमाण्डर ब्रिगेडियर–जनरल मोहम्मद रेजा जाहेदी र उनका डेपुटी ब्रिगेडियर–जनरल मोहम्मद हादी हाजी–रहिमीलगायत मारिएका हुन् ।
मोहम्मद रेजा जाहेदी इरानका शीर्ष कमाण्डरमध्ये एक हुन्। इरान र इजरायलबीच यस प्रकारको लक्षित आक्रमण र हत्याको लामो इतिहास रहेको बीबीसीले जनाएको छ।
इरान र सीरियाले दमाश्कसमा हिजो भएको उक्त आक्रमणको निन्दा गरेका छन्। यसबारे इजरायलले भने कुनै प्रतिक्रिया दिएको छैन।
गत अक्टोबरमा गाजा युद्ध सुरु भएपछि इरान समर्थित समूह हिज्बुल्लाहले लेबनान र सीरियासँग जोडिएको उत्तरी इजरायली सीमा क्षेत्रमा आक्रमण गर्दै आएका छन्।
यसको जवाफमा इजरायलले लेबनान र सीरियाका संवेदनशील क्षेत्रमै मिसाइल आक्रमण गर्ने गरेको छ। पछिल्लो पटक इरानका शीर्ष सैन्य कमाण्डार मारिएपछि मध्यपूर्वको तनाव थप गम्भीर बन्दै जाने आशंका गरिएको छ।
प्रतिक्रिया दिनुहोस् :
तातोखबर
-
१.
अन्तर्राष्ट्रिय समन्वय र सहकार्यबाट वर्तमान चुनौति सामना गर्न सकिने गृहमन्त्री लेखकको दावी
-
२.
साहित्यभित्रको पनि साहित्यिक कृतिः दृष्टि–दृष्टिकोण
-
३.
नेपाल इन्भेष्टमेण्ट मेगा बैंक लिमिटेडको संस्थापक शेयर बिक्रीमा
-
४.
नेपाली बजारमा सुनको मूल्य यथावत, एक लाख ५२ हजार रुपैयाँमा कारोबार
-
५.
एमालेको पोलिब्यूरो बैठक आज समापन हुँदै