श्रीलंकन नागरिकलाई बन्धक बनाउने ४ पाकिस्तानी काठमाडौँ बाट पक्राउ
![pakistani-arrested-in-nepal](https://www.tatokhabar.com/wp-content/uploads/2024/04/pakistani-arrested-in-nepal.jpg)
तातोखबर, काठमाडौँ / श्रीलंकन नागरिकलाई बन्धक बनाउने ४ जना पाकिस्तानी पक्राउ परेका छन् । युरोप पठाउने भन्दै श्रीलंकाबाट नेपाल ल्याएर काठमाडौँमा बन्धक बनाउने कार्यमा संलग्न रहेका पाइएपछि उनीहरुलाई पक्राउ गरिएको प्रहरीले जनाएको छ।
पक्राउ पर्नेमा पाकिस्तानी नागरिकहरू जुबेर अम्जाद, शाहजेहान तानबीर, मलिक अब्दुल हमिद र आरिफ मसिह रहेका छन्।
अनुसन्धानमा वैदेशिक रोजगारका लागि क्यानडा, रोमानिया, ग्रीसलगायतका देशहरूमा पठाइदिने विश्वास दिलाई श्रीलंकाबाट नेपाल ल्याई पीडितहरुलाई उपत्यकाका विभिन्न स्थानका होटलमा राखेका पाइएको छ।
ती गिरोहले पीडितहरूको पासपोर्ट नियन्त्रणमा लिई विभिन्न किसिमका धाकधम्की दिइ, कुटपिट गर्नुका साथै आफन्तसँग सम्पर्कसमेत गर्न नदिएर बन्धक बनाएका थिए। उनीहरुले पीडितका नगदसमेत लिई जबर्जस्ती बन्धक बनाएका बताइएको छ।
उनीहरुलाई अपहरण तथा शरीर बन्धक लिन नहुने कसुरमा आवश्यक अनुसन्धान तथा कारबाहीका लागि आज जिल्ला प्रहरी परिसर काठमाडौँमा बुझाइएको काठमाडौँ उपत्यका अपराध अनुसन्धान कार्यालयलेजनाएको छ ।
प्रतिक्रिया दिनुहोस् :
तातोखबर
-
१.
अन्तर्राष्ट्रिय समन्वय र सहकार्यबाट वर्तमान चुनौति सामना गर्न सकिने गृहमन्त्री लेखकको दावी
-
२.
साहित्यभित्रको पनि साहित्यिक कृतिः दृष्टि–दृष्टिकोण
-
३.
नेपाल इन्भेष्टमेण्ट मेगा बैंक लिमिटेडको संस्थापक शेयर बिक्रीमा
-
४.
नेपाली बजारमा सुनको मूल्य यथावत, एक लाख ५२ हजार रुपैयाँमा कारोबार
-
५.
एमालेको पोलिब्यूरो बैठक आज समापन हुँदै